ក្រុងភ្នំពេញ៖ តម្លៃប្រេងសាំងធម្មតានៅកម្ពុជា បានធ្លាក់ចុះពី ៤០០០ រៀល មកនៅត្រឹម ៣៦៥០ រៀលក្នុងមួយលីត្រ ខណៈដែលតម្លៃប្រេងម៉ាស៊ូតធ្លាក់ចុះពី ៤០០០ រៀល មក ៤៨០០រៀលក្នុងមួយលីត្រ។ នេះបើតាមសេចក្តីជូនដំណឹងរបស់ក្រសួងពាណិជ្ជកម្ម ដែលចុះផ្សាយនៅថ្ងៃទី ១៦ ខែ វិច្ឆិកា ឆ្នាំ ២០១៨ ស្តីពីថ្លៃលក់រាយប្រេងឥន្ធនៈនៅតាមស្ថានីយ៍។
នៅក្នុងសេចក្តីជូនដំណឹងនេះ ដដែលបានសរសេរថា ដើម្បីជួយសម្រួលដល់ជីវភាពរបស់ប្រជាជន និង មានការរួមចំណែកពីក្រុមហ៊ុនចែកចាយប្រេងឥន្ធនៈនៅកម្ពុជា សម្តេច ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានសម្រេចបញ្ចុះតម្លៃលក់រាយប្រេងឥន្ធនៈនៅកម្ពុជា ចំនួន ៤ សេនដុល្លារ/លីត្រ។
សូមបញ្ជាក់ថា ការកំណត់តម្លៃប្រេងឥន្ធនៈមិនមែនក្រសួងពាណិជ្ជកម្មជាអ្នកកំណត់ថ្លៃលក់ប្រេងឥន្ធនៈនោះទេ គឺក្រសួងគ្រាន់តែស្រង់តម្លៃឡើង និង ចុះ ទៅតាមតម្លៃប្រេងទីផ្សារអន្តរជាតិ មកគណនាតាមការប្រកាសរបស់ក្រសួងពាណិជ្ជកម្ម៕