ស្ថានទូតចិនប្រចំានៅកម្ពុជាកាលពីថ្ងៃទី៦ ខែវិច្ឆិកា បានបរិច្ចាកសៀវភៅជាភាសាចិនចំនួន ៩១៣០ក្បាលដល់ សកលវិទ្យាល័យ និងសាលាបង្រៀនភាសាចិននៅកម្ពុជា។ នេះបើតាមទីភ្នាក់ងារសារព័ត៌មានចិនស៊ិនហួរ។
សាលាទំាងនោះរួមមានសកលវិទ្យាល័យភូមិន្ទភ្នំពេញ និងសកលវិទ្យាល័យអាស៊ីអឺរ៉ុប និងសាលាបង្រៀនភាសាចិនឈ្មោះ ទួនហ្វា មីងស៊ឹង និងសាលាលីម៉ីង។
អគ្គរដ្ឋទូតចិន លោក Xiong Bo បានឲ្យដឹងថា សៀវទំាងនោះ មានសៀវភៅអក្សរសាស្រ្ត ប្រវត្តិសាស្រ្ត ភូមិវិទ្យា ទេចរណ៍ អប់រំ សិល្បៈ វប្បធម៌ និងសៀវភៅភាសា -កសិកម្ម។
លោកអគ្គរដ្ឋទូត បញ្ជាក់ថា ការបរិច្ចាកសៀវភៅនេះ ដើម្បីលើកកម្ពស់ការបង្រៀនភាសាចិននិងជាប្រភពស្រាយជ្រាវសម្រាប់សាលាចិននៅក្នុងប្រទេសកម្ពុជា។
លោក Xiong Bo ៖« ការបរិច្ចាកសៀវភៅនេះជាលើកទីពីរទៅដល់សាលានៅក្នុងប្រទេសកម្ពុជា។ខ្ញុំជឿថាសៀវភៅទំាងនោះនឹងជួយដល់និស្សិតកម្ពុជាក្នុងការសិក្សាស្រាវជ្រាវនិងយល់កាន់ច្បាស់អំពីវប្បធម៌ចិន »។
ចិនបានក្លាយជាកម្លាំងទេសចរណ៍និងវិនិយោគធំជាងគេនៅកម្ពុជា។ នៅប្រទេសកម្ពុជាមានសមាគមចិនផងដែរ៕
