ថៃ៖គណៈកម្មាការប្រឆាំងអំពើពុករលួយនៃប្រទេសថៃចាប់ផ្ដើមពិនិត្យមើលច្បាប់មួយចំនួននៅក្រោមការគ្រប់គ្រងរបស់អតីតនាយករដ្ឋមន្រ្ដីថាក់ ស៊ីន ដែលគេគិតថា ដើម្បីស្រាវជ្រាវទ្រព្យសម្បត្តិរបស់អតីតរដ្ឋមន្រ្ដីថាក់ស៊ីនឡើងវិញ។
លោក ថាក់ ស៊ីន ត្រូវបានធ្វើរដ្ឋប្រហារទម្លាក់ពីអំណាចនៅឆ្នាំ ២០០៦ ហើយបន្ទាប់មកទៀតតុលាការកំពូលរបស់ថៃបានផ្ដន្ទាទោសលោកករណីពុករលួយ និងបំពានអំណាចរដ្ឋដោយរឹបអូសទ្រព្យសម្បត្តិរាប់ពាន់លានបាត។
ប្រធានគណៈកម្មាការប្រឆាំងអំពើពុករលួយឧត្ដមសេនីយ៍ Watcharapol Prasarnrajkit បាននិយាយថា លោកបានណែនាំអោយថ្នាក់ក្រោមលោកពិនិត្យមើលសំណុំរឿងចំនួនបីឡើងវិញដែលពាក់ព័ន្ធទៅនឹងច្បាប់ប្រឆាំងអំពើពុករលួយកាលពីនៅក្រោមការគ្រប់គ្រងរបស់លោក ថាក់ ស៊ីន។
តាមការសែតថៃ The Nation គណៈកម្មាការប្រឆាំងអំពើពុករលួយនឹងស្រាវជ្រាវច្បាប់ប្រឆាំងអំពើពុករលួយដែលពាក់ព័ន្ធទៅនឹងមុខជំនួញមួយចំនួនរបស់គ្រួសាររបស់លោកថាក់ ស៊ីន។
លោក ថាក់ ស៊ីន បានរត់ភៀសខ្លួនទៅនៅប្រទេសអារ៉ាប់ប៊ីសាវអូឌីត។
កាលពីខែមុនប្អូនស្រីរបស់លោកគឺ អតីតនាយករដ្ឋមន្រ្ដី យីង ឡាក់ស៊ីណាវ៉ាត់ត្រា ត្រូវបានតុលាការកំពូលផ្ដន្ទាទោសឱ្យជាប់ពន្ធនាគាររយៈពេល ៥ឆ្នាំ ករណីបង្កអោមានរឿងអាស្រូវពុករលួយក្នុងគម្រោងទិញស្រូវរបស់រដ្ឋនូវទឹកប្រាក់រាប់ពាន់លាន បាត។
បច្ចុប្បន្នលោកស្រី យីង ឡាក់ បានទៅរស់នៅជាមួយលោក ថាក់ ស៊ីន នៅឯប្រទេសអារ៉ាប់ប៊ីសាវអូឌីត។គ្រួសារលោក ថាក់ ស៊ីន ត្រូវគេមើលឃើញថា ក្លាយជាសត្រូវរបស់ពួកយោធាដោយសារតែក្រុមគ្រួសារនេះ ហាក់មិនគាំទ្រត្រកូលវណ្ណៈខ្ពស់នៃក្រុមរាជវាំងថៃ៕ The Nation
