en     km
en     km

ក្រុមហ៊ុន​អាកាសចរណ៍​ចិន​បើក​ការ​ហោះហើរ​នៅ​កម្ពុជា​

Share

​ក្រុមហ៊ុន​អាកាសចរណ៍​ដែល​គាំទ្រ​ដោយ​រដ្ឋ​ចិន​ JC​ International​ Airlines​ បាន​បើក​សម្ភោ​ធ​ការ​ហោះហើរ​ប្រចាំ​ថ្ងៃ​មក​កាន់​ទីក្រុង​ភ្នំពេញ​និង​ក្រុង​សៀមរាប ​និង​ព្រ​លាន​យន្តហោះ​ក្រុងព្រះសីហនុ​ កាលពី​ថ្ងៃ​សៅរ៍​។​

china_ari-line


​លោកស្រី​ ដុ​ង​ហ្គា​ន​ ហ័​ង​ អគ្គនាយក​នៃ​ក្រុមហ៊ុន​នេះ​ប្រចាំ​ក្រុងភ្នំពេញ​មាន​ប្រសាសន៍​ថា​ ការ​វិនិយោគ​លើ​ការ​ហោះហើរ​នេះ​ គឺ មាន​ទំហំ​ទឹកប្រាក់​ ៥០​លាន​ដុល្លារ​អា​មេ​រិ​ក​។​

​ក្នុង​ដំណើរការ​ហោះហើរ​ដំបូង​ក្រុមហ៊ុន​នឹង​ប្រើ​យន្តហោះ​ធន់​អ៊ែ​ប៊ើ​ស​ អេ​ ៣២០​ ចំនួន​ពីរ​គ្រឿង​ ដែល​យន្តហោះ​និ​មួយៗ​មាន​ចំណុះ​១៨០​កៅអី​។​

បើ​យោង​តាម​លោកស្រី​ ដុ​ង​ហ្គា​ន​ ហ័​ង​ ក្រុមហ៊ុន​ JC​ International​ Airlines​ នឹង​បន្ថែម​យន្តហោះ​ចំនួន​បី​គ្រឿង​ទៀត​ក្នុង​អំឡុង​ ​ខែ​មិ​នា​ ខែតុលា​និង​ខែធ្នូ​ ក្នុងឆ្នាំនេះ​ដើម្បី​ពង្រីក​ការ​ហោះហើរ​ទៅ​កាន់​បណ្តា​ប្រទេស​អាស៊ាន​ ប្រទេស​ចិន​ ជប៉ុន ​និង​ទៅ​កាន់​ប្រទេស​កូរ៉េ​ខាង​ត្បូ​ង​។​

បច្ចុប្បន្ន​ប្រទេស​កម្ពុជា​មាន​ក្រុមហ៊ុន​អាកាសចរណ៍​ក្នុងស្រុក​ចំនួន​ប្រាំ​។​ ក្នុង​នោះ​មាន​ក្រុមហ៊ុន​អាកាសចរណ៍​ជាតិ​ កម្ពុជា​អង្គរ​អ៊ែ​រ​ ក្រុមហ៊ុន​ អាកាសចរណ៍​ស្កា​យ​អង្គរ​អ៊ែ​ឡាញ​ ក្រុមហ៊ុន​អាកាសចរណ៍​បាយ​ន័ក​ម្ពុ​ជា​  ក្រុមហ៊ុន​អាកា​ស​ចរណ៍​បា​សាក់​កា​ និង​ក្រុមហ៊ុន​អាកាសចរណ៍​ JC​ International​ Airlines៕

Share

Image
Image
Image