ភ្នំពេញ៖ ក្រសួងរៀបចំដែនដី នគរូបនីយកម្ម និងសំណង់ បានបញ្ជាឲ្យក្រុម ផាន អីម៉ិច របស់លោកស្រី ស៊ុយ សុផាន និងក្រុមហ៊ុន ហេង លី បានធ្វើរបងបិទផ្លូវលំមួយខ្សែ មិនឲ្យប្រជាពលរដ្ឋធ្វើដំណើរឆ្លងកាត់ ស្ថិតនៅផ្លូវជាតិលេខ១ ខណ្ឌច្បារអំពៅ រាជធានីភ្នំពេញ។
បើយោងតាមលិខិតរបស់ក្រសួងរៀបចំដែនដី នគរូបនីយកម្ម និងសំណង់ ចុះផ្សាយនៅថ្ងៃទី ១៨ ខែ មេសា បានបញ្ជាក់ថា ក្រសួងបានរកឃើញថា ក្រុមហ៊ុន ផាន អីម៉ិច របស់លោកស្រី ស៊ុយ សុផាន និងក្រុមហ៊ុន ហេង លី ពិតជាបានរំលោភផ្លូវលំសាធារណៈតភ្ជាប់ពីផ្លូវលេខ ៣៦៩ ទៅផ្លូវជាតិលេខ១ កាត់ ភូមិចំពុះក្អែក សង្កាត់ព្រែកថ្មី ភូមិអូរអណ្តូងសង្កាត់ព្រែកប្រា និងភូមិស្វាយតាអុក សង្កាត់វាលស្បូវ ខណ្ឌច្បារអំពៅ រាជធានីភ្នំពេញ។
ក្នុងលិខិតដដែល បានបញ្ជាឲ្យក្រុមហ៊ុនខាងលើធ្វើការតភ្ជាប់ និងបើកផ្លូវសាធារណៈនោះឡើងវិញ ដោយរក្សាទទឹងផ្លូវ ១៦ ម៉ែត្រ ដើម្បីប្រជាពលរដ្ឋ និងសាធារណជនទូទៅប្រើប្រាសជាធម្មតាវិញ៕
