កោះភូកុកដែលខែ្មរហៅថាកោះត្រល់ បានក្លាយជាភូមិសាស្ត្រសេដ្ឋកិច្ច ទេសចរណ៍ដ៏ធំមួយទៀតរបស់ប្រទេសវៀតណាម ដោយទាក់ទាញអ្នកទេសចរណ៍បរទេសបាន ១លាន ៦សែននាក់ និងរកប្រាក់ចំនូលបាន ជិត ៥រយលានដុល្លារក្នុងមួយឆ្នាំ ។
តាមស្ថិតិនៅក្រសួងទេសចរណ៍វៀតណាម កំណើនទេសចរណ៍ទៅលេងកោះភូកុក បានកើនឡើងជាលំដាប់ដែលរហូតមកដល់ពេលនេះ កើន ៤៧,២ ភាគរយ ស្មើនិង ១លាន ៦សែននាក់ ហើយភ្ញៀវទេសចរណ៍ភាគច្រើនមកពីអឺរ៉ុប។
ភូកុកមានព្រលានយន្ដហោះអន្ដរជាតិមួយនៅលើនោះដែលអាចដឹកភ្ញៀវទេសចរចេញពីទីក្រុងហាណូយ និងទីក្រុងហូជីមិញផ្ទាល់ទៅទីនោះ។
ក្រសួងទេសចរណ៍វៀតណាមបានឱ្យដឹងថា នៅឆ្នាំ ២០១៧ រហូតដល់ឆ្នាំ ២០២០ កោះភូកុក ដែលខ្មែរហៅថា កោះត្រល់នោះ អាចទាក់ទាញភ្ញៀវទេសចរណ៍បានប្រមាណ ២លាន ទៅ ៣លាននាក់ ហើយស្រូបទាញប្រាក់ចំនូលបាន ៧៧១លានដុល្លារអាមេរិក ។
កោះភូកុក ឬកោះត្រល់ ស្ថិតនៅឯនាយបន្តិចនៃខេត្តកំពតប្រទេសកម្ពុជា មានរយៈចម្ងាយ១៥គីឡូម៉ែត្រ ហើយបើគិតរាប់ពីខេត្ត Ha Tien វៀតណាម មានរយៈចម្ងាយ ជាង៤៥គីឡូម៉ែត្រ។
អ្នកទេសចរណ៍អាចមើលកោះត្រល់ឃើញ នៅពេលដែលមេឃស្រឡះ ឬអាចមើលឃើញនៅពេលទៅលេងឆ្នេរសមុទ្រខេត្តកំពត ឬកែប ឬឡើងភ្នំបូកគោ ។
កោះត្រល់មានផ្ទៃដីប្រមាណ ៥៧៤ គីឡូម៉ែត្រក្រឡា ហើយមានពលរដ្ឋវៀតណាមរស់នៅទីនោះ ជាង ១០ម៉ឺននាក់ដោយគិតនៅឆ្នាំ២០១២។ នេះបើយោងតាម Wiki Media និង Vietnam net៕