ក្រសួងអភិវឌ្ឍន៍ជនបទ បានប្តេជ្ញាថា នឹងជំរុញកំណើនការទទួលបានអត្រាប្រើប្រាស់ ទឹកស្អាត និងអនាម័យ ១០០%នៅឆ្នាំ២០២៥ មុនគោលដៅរបស់អង្គការសហប្រជាជាតិ។
អង្គការសហប្រជាជាតិបាន ដាក់គោលដៅ នៅឆ្នាំ២០៣០ ថាប្រជាពលរដ្ឋខ្មែរទូទាំងប្រទេសនឹងទទួលបានការប្រើប្រាស់ ទឹកស្អាត និងអនាម័យ ១០០%។
លោក អ៊ុក រ៉ាប៊ុន រដ្ឋមន្រ្តី ក្រសួង អភិវឌ្ឍន៍ជនបទ បានថ្លែងនៅក្នុងកម្មវិធីសិក្ខាសាលាតម្រង់ទិសស្តីពីការរៀបចំផែនការ និងការអនុវត្តមុខងារ របស់ក្រុមការងារបច្ចេកទេសវិស័យផ្គត់ផ្គង់ទឹកស្អាត និងអនាម័យជនបទនៅព្រឹកថ្ងៃទី២០ ខែមិថុនានេះ ថា ក្រសួងនឹងជំរុញអាត្រាគ្រប់ដណ្តប់ទឹកស្អាតនេះឱ្យបាន៦០% ត្រឹមដំណាច់ឆ្នាំ ២០១៨ ដើម្បីឈានទៅសម្រេចបានគោលដៅ១០០%នៅឆ្នាំ២០២៥។
ដើម្បីបង្កើនការចូលរួមទទួលខុសត្រូវក្នុងការអនុវត្ត និងតាមដានត្រួតពិនិត្យ ផែនការសកម្មភាពជាតិ និងផែនការសកម្មភាពខេត្ត ក្រសួងអភិវឌ្ឍន៍ជនបទបានចេញសេចក្តីណែនាំស្តីពីការបង្កើតក្រុមការងារបច្ចេកទេសវិស័យផ្គត់ផ្គង់ទឹកស្អាត និងអនាម័យជនបទឱ្យដល់ជនបទ៕
