loader

ឯកអគ្គរដ្ឋទូតអាមេរិកនឹងចាប់ផ្ដើមវាយប្រហាររបបម៉ាឌូរ៉ូនៅUN

ឯកអគ្គរដ្ឋទូតសហរដ្ឋអាមេរិកលោកស្រី Nikki Haley នឹងចាប់ផ្ដើមវាយប្រហាររបបរបស់លោកប្រធានាធិបតីវេណេហ្ស៊ូអេឡា លោក នីកូឡាស់ ម៉ាឌូរ៉ូ នៅឯអង្គការសហប្រជាជាតិ បន្ទាប់ពីលោកស្រីចុះទៅត្រួតពិនិត្យស្ថានភាពជនភៀសខ្លួននៅវេណេហ្ស៊ូអេឡាកំពុងជ្រកកោននៅប្រទេស កូឡុំប៊ី។

លោកស្រី Nikki Haley គឺជាឯកអគ្គរដ្ឋទូតអានេរិកប្រចាំអង្គការសហប្រជាជាតិ ។លោកស្រីធ្លាប់វាយប្រហាររបបលោក​ម៉ាឌូរ៉ូ នៅឯមហាសន្និបាតអង្គការសហប្រជាជាតិកាលពីឆ្នាំទៅមិញ។

តាមកាសែត The Washington Post ជាថ្មីម្ដងទៀត លោកស្រីបានហៅ លោក ម៉ាឌូរ៉ូ ថា កំពុងដឹកនាំប្រទេសទៅរកគ្រោះមហន្ដរាយយ៉ាងធ្ងន់ធ្ងរដោយសារតែសេដ្ឋកិច្ចរបស់ប្រទេសនេះកំពុងតែឈានទៅរកការរលំរលាយ។

លោកស្រីឯកអគ្គរដ្ឋទូតបានប្រកាសថា សហរដ្ឋអាមេរិកបានបន្ថែមជំនួយគិតជាថវិកា ៩លានដុល្លារ តាមរយៈលោកស្រី សម្រាប់ជនភៀសខ្លួនដែលនាំអោយជំនួយកើនឡើង ៦០លានដុល្លារ ។

លោកស្រីបាននិយាយថា ជំនួយទាំងនេះ មានដូចជា ទឹកស្អាត ថ្នាំពេទ្យ និងស្បៀង ។

លោកស្រីបានសន្យាថា នៅពេលលោកស្រីមកកាន់អង្គការសហប្រជាជាតិលោកស្រីនឹងលើកឡើងអំពីការរំលោភសិទ្ធិមនុស្សនៅក្រោមការដឹកនាំរបស់ប្រធានាធិបតី នីកូឡាស់ ម៉ាឌូរ៉ូ ។

គេរំពឹងថា លោកស្រី Nikki Haley នឹងជម្រុញអោយមានរបៀបវារៈមួយ និយាយពីការធ្លាក់ចុះសិទ្ធិមនុស្ស និងប្រជាធិបតេយ្យក្រោមការដឹកនាំរបស់លោក ម៉ាឌូរ៉ូ នៅឯមហាសន្និបាតលើកទី ៧៣ នៅអង្គការសហប្រជាជាតិដែលនឹងចាប់ធ្វើឡើងនៅពាក់កណ្ដាលខែកញ្ញាខាងមុខនេះ៕

 

បញ្ចេញមតិ

avatar

ព័ត៌មានទាក់ទង

វៀតណាមរៀបចំទទួលលោកគីមជុងអ៊ុនមុនលោកត្រាំ

វៀតណាមរៀបចំទទួលលោកគីមជុងអ៊ុនមុនលោកត្រាំ

ថ្ងៃព្រហស្បតិ៍ ទី២១ ខែកុម្ភៈ ឆ្នាំ២០១៩

វៀតណាមកំពុងតែរៀបចំទទួលប្រមុខដឹកនាំកូរ៉េខាងជើង[...]

ម៉ាឡេស៊ី-ចិន បង្ហាញជំហរត្រូវគ្នាវិញទាក់ទងនឹងគម្រោងរថភ្លើងល្បឿនលឿន

ម៉ាឡេស៊ីនៅថ្ងៃអង្គារ តាមរយៈរដ្ឋមន្រ្ដីក្រសួងក[...]

ទីបំផុត ! ជប៉ុនទទួលស្គាល់មេបក្សប្រឆាំងវេណេហ្សូអេឡាជាប្រធានាធិបតីដោយទាត់ចោល លោកម៉ាឌូរ៉ូ

ជប៉ុនជាប្រទេស ប្រជាធិបតេយ្យជឿនលឿន ចុងក្រោយគេហ[...]

ព័ត៏មានថ្មី

វីដេអូថ្មីបំផុត