loader

អូស្ត្រាលីបន្តលើកទឹកចិត្តពលរដ្ឋកម្ពុជាទទួលអាហារូបករណ៍

ស្ថានទូតអូស្ត្រាលីប្រចាំនៅកម្ពុជាដែលតំណាងឱ្យនាយកដ្ឋានកិច្ចការបរទេសនិងពាណិជ្ជកម្មបានជូនដំណឹង អំពីការផ្ដល់អាហាររូបករណ៍ទៅសិក្សានៅប្រទេសអូស្ត្រាលី ដល់ពលរដ្ឋ និងមន្ត្រីអង្គការក្រៅរដ្ឋាភិបាលកម្ពុជាក្នុងឆ្នាំសិក្សាថ្មី ២០១៩ ។

តាមសេចក្ដីជូនដំណឹងនេះ ការទទួលពាក្យសុំអាហាររូបករណ៍នេះ ដោយចាប់ផ្ដើមពីថ្ងៃទី ១កុម្ភៈ ឆ្នាំ ២០១៨ ហើយកាលបរិច្ឆេទ បិទការដាក់ពាក្យនេះ នៅថ្ងៃទី ១៨ មេសា ឆ្នាំ២០១៨។

សេចក្ដីជូនដំណឹងរបស់ស្ថានទូតអូស្ត្រាលីធ្វើឡើងកាលពីថ្ងៃទី ៣មករា ដែលវិទ្យុស្រ្តីទទួលបាននៅថ្ងៃ ពុធ ទី ១០មករា បាន បញ្ជាក់ថា គោលបំណងនៃផ្ដល់អាហាររូបករណ៍នេះ សំដៅជំរុញចំណេះដឹងការអប់រំ គឺជាពានរង្វាន់កម្រិតអន្តរជាតិដ៏មានកិត្តិយសផ្ដល់ដោយរដ្ឋាភិបាលអូស្ត្រាលី សម្រាប់មេដឹកនាំជំនាន់ក្រោយ ក្នុងការជួយអភិវឌ្ឍន៍ធនធានមនុស្ស។  

ជាមួយគ្នានេះ នាយកដ្ឋានកិច្ចការបរទេស និងពាណិជ្ជកម្មអូស្ត្រាលីមានការលើកទឹកចិត្តដល់ស្ត្រី និងជនពិការ ក៏អាចដាក់ពាក្យសុំអាហាររូបករណ៍នេះដែរ ដោយចាត់ទុកថា ជាអាទិភាពខ្ពស់។

ដើម្បីទទួលបាន ព័ត៌មានបន្ថែមទៀត ការិយាល័យពានរង្វាន់អាហាររូបករណ៍បានផ្ដល់លេខទូរស័ព្ទទាក់ទងមួយខ្សែ  ០២៣ ២២២ ០៦២ ។

សូមជម្រាបថា អូស្ត្រាលី ជាប្រទេសមួយដែលបាន ជួយអភិវឌ្ឍន៍ប្រទេសកម្ពុជាជាខ្លាំងលើវិស័យធនធានមនុស្ស អប់រំ និងកសិកម្ម។​ ជំនួយរបស់ប្រទេសនេះ ស្ថិតក្រោមក្រមខណ្ឌមួយ បន្ទាប់ពីកម្ពុជាបានសន្តិភាពតាមរយៈកិច្ចព្រមព្រៀងសន្តិភាពក្រុងប៉ារីស ១៩៩១៕

បញ្ចេញមតិ

Be the First to Comment!

avatar

ព័ត៌មានទាក់ទង

កសិករ​ ៖​ មាន់​រាប់រយ​ក្បាល​ងាប់​ជា​បន្ដបន្ទាប់​នៅ​ឃុំ​មួយ​ ខេត្តព្រៃវែង​ ខណៈ​អាជ្ញាធរ​មិន​បានដឹង​រឿង​នេះ​

សត្វ​មាន់​របស់​កសិករ​ ដែល​រស់នៅ​ក្នុង​ភូម​ព្រ[...]

កម្ពុជា​ នឹង​ចាប់ផ្ដើម​បញ្ជូន​ស្ដ្រី​បម្រើ​តាម​ផ្ទះ​ ទៅ​ម៉ា​ឡេ​ជា​ថ្មី​ក្នុង​អំឡុង​ ខែមិថុនា​

រដ្ឋមន្ដ្រីក្រសួង​ការងារ​ បាន​បញ្ជាក់​ថា​ ពល​[...]

រដ្ឋាភិបាល​គ្រោង​ធ្វើ​វិសោធនកម្ម​ច្បាប់​ស្តី​ពី​អន្តោប្រវេសន៍​និង​ច្បាប់​ស្តី​ពី​សញ្ជាតិ​

​ភ្នំពេញ​៖​ សម្តេច​ ស​ ខេ​ង​ រដ្ឋមន្ត្រី​ក្រស[...]

ព័ត៏មានថ្មី

វីដេអូថ្មីបំផុត