loader

អាមេរិកនិងកូឡំប៊ី ពិនិត្យឡើងវិញ យន្តការស្ដារលទ្ធិប្រជាធិបតេយ្យនៅវេណេហ្សូអេឡា

រដ្ឋមន្ត្រីការបរទេសអាមេរិក Mike Pompeo និងប្រធានាធិបតី កូឡំប៊ី Ivan Duque បានឯកភាពនឹងគ្នាក្នុងការស្ដារលទ្ធិប្រជាធិបតេយ្យ នៅវេណេហ្សូអេឡាឡើងវិញ ដោយ​ច្រានចោល ការដឹកនាំរបស់ប្រធានាធិបតី នីកូឡាស់ម៉ាឌូរ៉ូដែលគេហៅថារបបផ្ដាច់ការ។

ក្នុងទស្សនកិច្ចនៅ កូឡំប៊ី លោករដ្ឋមន្ត្រី Mike Pompeo  បានជួបប្រធានាធិបតីកូឡំប៊ី ហើយបាន សន្យាជួយជនភៀសខ្លួនវេណេហ្សូអេឡា ដែលកំពុងជ្រកកោននៅកូឡំប៊ី។

ប្រធានាធិបតីកូឡំប៊ី Ivan Duque​បានស្នើសុំអាមេរិក អោយឆាប់ជួយអន្តរាគមន៍ ការស្ដារ​ឡើង​វិញ ប្រជាធិបតេយត្យនៅវេណេហ្សូអេឡា តាមគ្រប់រូបភាពដែលអាចធ្វើបាន។ លោកថារបបរបស់លោកម៉ាឌូរ៉ូជារបបផ្ដាច់ការ ដែលនាំអោយមានអស្ថិរភាពតំបន់។

ក្នុងដំណើរទស្សនកិច្ចនេះលោករដ្ឋមន្ត្រី Mike Pompeo  បានទៅជូបសមភាគី ប្រេស៊ីល និង ប៉េរូផងដែរ។ ក្នុងជំនួបនោះ អ្នកទាំងបីបានសន្យាដាក់ការគាបសង្កត់ លោកម៉ាឌូរ៉ូ ខ្លាំងថែមទៀត។

លោក ម៉ាឌូរ៉ូ បានចោទមេដឹកនាំអាមេរិក និងកូឡំប៊ី ថាកំពុងរៀបចំផែនផ្ដួលរំលំលោកពី​អំណាច។

ចាប់ពីតាំងមានវិបត្តិនយោបាយ នៅឆ្នាំ២០១៦ មក ពលរដ្ឋវេណេហ្សូអេឡា ជិត៣លាននាក់ បានភៀសខ្លួនទៅនៅប្រទេសជិតខាង ជាពិសេសនៅប្រទេសកូឡំប៊ី ប្រេស៊ីល និងប៉េរ៉ូ។ ក្នុងរយៈពេលនេះ  សហរដ្ឋអាមេរិក បានផ្ដល់ជំនួយ សម្រាប់ជនភៀសខ្លួន ជាង៩២លាន​ដុល្លារ​។ប្រទេសដែលជួយជនភៀសខ្លួនវេណេហ្សូអេឡា មានសហរដ្ឋអាមេរិក សហភាពអឺរ៉ុប និងប្រទេសកាណាដា៕

 

បញ្ចេញមតិ

avatar

ព័ត៌មានទាក់ទង

ពាក្យថា«បដិវត្តន៍ពណ៌»ត្រូវបានអាជ្ញាធរចិនប្រើជាយុទ្ធសាស្ត្របោសសំអាតក្រុមប្រឆាំង

ពួកមន្ត្រីចិន នៃស្ថាប័នពង្រឹងច្បាប់ ត្រូវបានប[...]

ប្រេស៊ីល អាមេរិក កូឡំប៊ី ចង់បញ្ចប់របបម៉ាឌូរ៉ូនៅដើមឆ្នាំ២០១៩

ក្រុមមន្ត្រីការបរទេសនៃប្រទេស ប្រេស៊ីល អាមេរិក[...]

ថៃ៖សំណង់ខុនដូសម្រាប់សហគមន៍ក្រីក្រជាយុទ្ធសាស្រ្ដនៃគោលនយោបាយគ្រប់គ្រងអចលនទ្រព្យថៃ

ថៃរាប់បានថាជាប្រទេសមួយលេចធ្លោលើគ្រប់វិស័យនិង [...]

ព័ត៏មានថ្មី

វីដេអូថ្មីបំផុត