loader
អង្គការ​ស្ត្រី​មួយ​ថា​ ស្ត្រី​ជាប់​ក្រុមប្រឹក្សា​ឃុំ​អាណត្តិ​ថ្មី​នៅ​តែ​មាន​ចំនួន​តិច​នៅឡើយ​

អង្គការ​ស្ត្រី​មួយ​ថា​ ស្ត្រី​ជាប់​ក្រុមប្រឹក្សា​ឃុំ​អាណត្តិ​ថ្មី​នៅ​តែ​មាន​ចំនួន​តិច​នៅឡើយ​(មានសំឡេង)

ក្រុងភ្នំពេញ៖ អង្គការសង្គមស៊ីវិលមួយដែលធ្វើការផ្តោតទៅលើការលើកកម្ពស់ស្ត្រី និយាយថា ស្ត្រីដែលបញ្ជ្រៀតនៅក្នុងវិស័យនយោ បាយចេញពីការបោះឆ្នោតក្រុមប្រឹក្សាឃុំសង្កាត់ឃើញថានៅមានចំនួនតិចនៅឡើយ។ លោក សេរី វឌ្ឍនៈ រាយការណ៍ជូន៖

 

women-03
មានន័យថា ពលរដ្ឋកម្ពុជា នៅមិនទាន់ផ្តល់ទំនុកចិត្តដល់ស្ត្រីក្នុងការធ្វើការងារក្នុងវិស័យនយោបាយនោះទេ។ អ្នកវិភាគឯករាជ្យម្នាក់ថាចំនួនមនុស្សស្រីកម្ពុជាមានចំនួនច្រើនជាងបុរស ។

នាយកប្រតិបត្តិ នៃអង្គការសីលកា លោកស្រី ធីតា ឃិះ ដែលជាអង្គការមួយលើកកំពស់ស្ត្រីក្នុងវិស័យនយោបាយ បាននិយាយថា រឿងដែលគួរឲ្យសោកស្តាយឃើញថា ការបោះឆ្នោតក្រុមប្រឹក្សាឃុំ-សង្កាត់អាណត្តិទី ៤ នេះ គឺ ចំនួនស្ត្រី ជាតំណាងពលរដ្ឋថ្នាក់មូលដ្ឋាន មានការធ្លាក់ចុះជាងអាណត្តិមុនគួរឲ្យកត់សម្គាល់។ លោកស្រី ថា កាលពីការបោះឆ្នោតក្រុមប្រឹក្សាអាណត្តិមុន ស្ត្រីមានការចូលរួមក្នុងវិស័យនយោបាយយ៉ាងខ្លាំងហើយជាប់ជាសមាជិកមានច្រើនដែរគឺខុសគ្នានឹងអាណត្តិនេះ។

បើតាម លោក ស្រី សមាជិកស្ត្រីជាប់ក្រុមប្រឹក្សាឃុំ ២២ភាគរយ ចំណែកគណបក្សសង្គ្រោះជាតិមាន ១១ភាគរយ។

លោកស្រី ធីតា ឃិះ៖« នៅក្នុងបរិបទសង្គមឥឡួវនេះ ដែរយើងប្រមូលលទ្ធផលមកនិង គឺ ចំនួនរបស់ស្ត្រី និង គឺធ្លាក់ចុះខ្លាំងមិនមែនឡើងទេ ដែរកាលពីអាណត្តិមុននិងយើងមាន ១៧.៧៨ ភាគរយ ហើយឥឡួវនិងធ្លាក់មកត្រឹម១៦.៧៥ ភាគរយ អញ្ជឹងទៅវាគឺពិតជារឿងដែលគួរឲ្យសោកស្តាយខ្លាំងមែនទែន»។

women

ស្របពេលនេះដែរ សាស្ត្រាចារ្យវិទ្យាសាស្ត្រនយោបាយ លោក ឯម សុវណ្ណារ៉ា បានពន្យល់ថា បើសិនជាសង្គមកម្ពុជាមានសមភាពយ៉េនឌ័រ ក្នុងវិស័យនយោបាយគឺមានន័យថា ប្រជាពលរដ្ឋមានការយល់ដឹង និងផ្តល់នូវទំនុកចិត្តដល់ស្ត្រីច្រើន ព្រោះស្ត្រីមានចំនួនច្រើនជាងបុរសដល់ទៅ ៥២ ភាគរយ។

លោកបានពន្យល់ទៀតថា គឺពិតជាមានសារសំខាន់ណាស់ដែរ បើសិន តំណាងជាស្ត្រីមានតុល្យភាពនិងអ្នកតំណាងជាបុរសគឺមានន័យថា ស្ត្រី នឹងបំពេញបាននូវតម្រូវការរបស់ប្រជាពលរដ្ឋ ហើយតំណាងជាស្ត្រី មិនសូវមានការរើសអើងក្នុងវិស័យនយោបាយទេ។

លោក ឯម សុវណ្ណារ៉ា ៖ « បើសិនបើស្ត្រីមានច្រើនមានន័យថា មេឃុំឬក៏អ្នកតំណាងនយោបាយរបស់ស្ត្រី គឺបានឆ្លើយតបទៅនិងតម្រូវការ ឬក៏មានភាពងាយស្រួល ក្នុងការយល់ចិត្ត ពលរដ្ឋដែលជាស្ត្រីដែលមានភាគរយច្រើនជាង ហើយភាពនេះឯងគឺវាជួយពន្លឿនសង្គមកម្ពុជាឲ្យ ងាកមកចូលរួមក្នុងឆាកនយោបាយ គឺមានភាពសស្រាក់សស្រាំឡើង ហើយសង្គមនយោបាយក៏និងមិនរើសអើងស្ត្រីក្នុងវង់នយោបាយ»។

women-ok01

 

សូមបញ្ជាក់ផងដែរថា លទ្ធផលការបោះឆ្នោតក្រុមប្រឹក្សា ឃុំ-សង្កាត់ អាណត្តិទី ៤ នេះ គឺគណបក្សប្រជាជនកម្ពុជាទទួលបាន ក្រុមប្រឹក្សាមេឃុំ-ចៅសង្កាត់ គឺ ៦៥០៣ នាក់ ដែលក្នុងនោះមានស្ត្រីដែលជាអ្នកតំណាង ចំនួន ១៣៨៦ ស្មើនឹង ២២ ភាគរយ ហើយ គណបក្សសង្គ្រោះជាតិទទួលបាន ៥០០៧ នាក់ ដែលមានអ្នកតំណាងជាស្ត្រី ៥៥៣ នាក់ ដែលស្មើនឹង ១១ ភាគរយនៃចំនួនសរុប។  ចំណែកគណបក្សតូចៗដែលជាប់ជាក្រុមប្រឹក្សាឃុំ មានចំនួនតិចតួចហើយ គ្មានតំណាងស្ត្រីម្នាក់ទេ៕

បញ្ចេញមតិ

Be the First to Comment!

avatar

ព័ត៌មានទាក់ទង

កសិករ​ ៖​ មាន់​រាប់រយ​ក្បាល​ងាប់​ជា​បន្ដបន្ទាប់​នៅ​ឃុំ​មួយ​ ខេត្តព្រៃវែង​ ខណៈ​អាជ្ញាធរ​មិន​បានដឹង​រឿង​នេះ​

សត្វ​មាន់​របស់​កសិករ​ ដែល​រស់នៅ​ក្នុង​ភូម​ព្រ[...]

កម្ពុជា​ នឹង​ចាប់ផ្ដើម​បញ្ជូន​ស្ដ្រី​បម្រើ​តាម​ផ្ទះ​ ទៅ​ម៉ា​ឡេ​ជា​ថ្មី​ក្នុង​អំឡុង​ ខែមិថុនា​

រដ្ឋមន្ដ្រីក្រសួង​ការងារ​ បាន​បញ្ជាក់​ថា​ ពល​[...]

រដ្ឋាភិបាល​គ្រោង​ធ្វើ​វិសោធនកម្ម​ច្បាប់​ស្តី​ពី​អន្តោប្រវេសន៍​និង​ច្បាប់​ស្តី​ពី​សញ្ជាតិ​

​ភ្នំពេញ​៖​ សម្តេច​ ស​ ខេ​ង​ រដ្ឋមន្ត្រី​ក្រស[...]

ព័ត៏មានថ្មី

វីដេអូថ្មីបំផុត