loader

សាលារាជធានីភ្នំពេញហាមរថយន្តធុនធ្ងរបើកចូលក្រុងនារយៈពេលនៃពិធីបុណ្យអុំទូក

ភ្នំពេញៈដើម្បីកាត់បន្ថយការកក់ស្ទះចរាចរនារយៈពេលនៃព្រះរាជពិធីបុណ្យអុំទូក បណ្ដែតប្រទីប សំពះព្រះខែ និងអកអំបុក សាលារាជធានីភ្នំពេញបានចេញនូវសេចក្តីប្រកាសជូនដំណឹងស្តីពីការបញ្ចៀសចរាចរដល់ម្ចាស់យានយន្តឱ្យបានជ្រាបថា ចាប់ពីថ្ងៃទី០១ ដល់ថ្ងៃទី០៥ ខែវិច្ឆិកានេះ សាលាក្រុងនឹងធ្វើការហាមមិនឱ្យរថយន្ដធុនធំ រថយន្ដក្រឡុកស៊ីម៉ង់ រថយន្ដដឹកទំនិញ ចរាចរចូលក្នុងរាជធានីភ្នំពេញនោះទេ។ ជាងនេះទៀត សាលាក្រុងក៏ប្រកាសផ្អាករាល់ការដ្ឋានសំណង់ទាំងអស់ក្នុងរាជធានីភ្នំពេញ មិនឱ្យមានសកម្មភាពសាងសង់នោះទេចាប់ពីថ្ងៃទី០១ ដល់ថ្ងៃទី០៥ ខែវិច្ឆិកា។

                                                                                                ​ចំណតរថយន្ត។

មួយវិញទៀត សម្រាប់រថយន្ដឈ្នួលដឹកអ្នកដំណើរ និងម៉ូតូសណ្ដោងរ៉ឺម៉ក សាលារាជធានីមិនអនុញ្ញាតឲ្យចរាចរចូលក្នុងរាជធានីភ្នំពេញ ពីថ្ងៃទី០១ រហូតដល់ថ្ងៃទី០៥ ខែវិច្ឆិកា ឆ្នាំ២០១៧ ចាប់ពីម៉ោង១០៖០០ព្រឹកនាទី រហូតដល់ម៉ោង១០៖០០នាទីយប់។ ប្រភេទយានយន្ដទាំងអស់ខាងលើ អាចចរាចរបានចាប់ពីម៉ោង១០៖០០នាទីយប់ រហូតដល់ម៉ោង១០៖០០នាទីព្រឹក។

សម្រាប់អ្នកធ្វើដំណើរតាមផ្លូវជាតិលេខ ១ ទីតាំងចំណតរថយន្តធុនធ្ងរ រថយន្តដឹងអ្នកដំណើរ និងម៉ូតូសណ្ដោងរ៉ឺម៉ក គឺត្រូវចូលចតនៅក្នុងបរិវេណវត្តនិរោធរង្ស៊ី និងចំណតផ្សារច្បាប់អំពៅ។

សម្រាប់អ្នកធ្វើដំណើរតាមផ្លូវជាតិលេខ ២ ទីតាំងចំណតគឺនៅចាក់អង្រែក្រោម និងក្នុងបរិវេណអនុវិទ្យាល័យចាក់អង្រែ។ចំណែករថយន្តដឹកអ្នកដំណើរ និងរ៉ឺម៉ក ត្រូវចូលចតនីបណ្តោយមហាវិថីសម្តេច ហ៊ុន សែន ឬផ្លូវ៦០ម៉ែត។

​សម្រាប់អ្នកធ្វើដំណើរតាមផ្លូវជាតិលេខ ៣ និងលេខ ៤ ទីតាំងចតគឺនៅ​ចំណតរថយន្តចោមចៅ។ចំណែករថយន្តដឹកអ្នកដំណើរ និងរ៉ឺម៉ក ត្រូវចូលចតនៅមិនឱ្យហួសស្តុបណតប្រ៊ីតឡើយ។

សម្រាប់អ្នកធ្វើដំណើរតាមផ្លូវជាតិលេខ៥ ទីតាំងចតគឺនៅ ចំណតគីឡូម៉ែតលេខ៩។ ចំណែករថយន្តដឹកអ្នកដំណើរ និងរ៉ឺម៉ក មិនឱ្យចតហួសផ្លូវ៦៨ឡើយ។

សម្រាប់អ្នកធ្វើដំណើរតាមផ្លូវជាតិលេខ៦ ត្រូវចូលចតនៅចំណតរថយន្តព្រែកលៀប។ ៩។ ចំណែករថយន្តដឹកអ្នកដំណើរ និង រ៉ឺម៉ក ត្រូវចូលចតនៅទីតាំងអភិវឌ្ឍន៍OCIC។

សម្រាប់អ្នកធ្វើដំណើរតាមផ្លូវលេខ២៧១ និង៣៧១ ត្រូវចូលចតនៅខាងត្បូងស្ពានម័ល។ ចំណែករថយន្តដឹកអ្នកដំណើរ និង រ៉ឺម៉ក អាចឈប់នៅត្រឹមច្រមុះជ្រូកក្បាលថ្នល់ និងចតតាមបណ្តោយផ្លូវ ៦០ ម៉ែត៕

 

បញ្ចេញមតិ

Be the First to Comment!

avatar

ព័ត៌មានទាក់ទង

ក្រសួងសេដ្ឋកិច្ចរៀបចំគោលនយោបាយបន្ថយកម្ចីបរទេសកាត់បន្ថយហានិភ័យ

រដ្ឋលេខាធិការក្រសួងសេដ្ឋកិច្ច និងហិរញ្ញាវត្ថុ[...]

អង្គការ​ WCS​ ៖​ គិត​ត្រឹម​ឆ្នាំ​២០១៧​ ចំនួន​សត្វ​ស្លាប​កម្ពុជា​មានការ​កើនឡើង​ ប៉ុន្ដែ​ចំនួន​ថនិកសត្វ​បាន​ថយ​ចុះ​

អង្គការ​សមាគម​អភិរក្ស​សត្វព្រៃ​ បាន​ឲ្យ​ដឹង​ថ[...]

​ក្រសួង​ការងារ​គ្រោង​បង្កើត​កម្មសិក្សា​ផ្នែក​ធនធានមនុស្ស​តាម​ប្រព័ន្ធ​អ៊ិ​ន​ធើ​ណែ​ត​

លោក​រដ្ឋមន្ត្រី​ អ៊ិ​ត​ សំ​ហេង​ បញ្ជាក់​ថា​កម[...]

ព័ត៏មានថ្មី

វីដេអូថ្មីបំផុត