loader

សហភាព​អឺរ៉ុប​ និង​ អា​មេ​រិ​ក​ ជាទី​ផ្សារ​នាំ​ចូល​ ៧០​ភាគរយ​នៃ​ទំនិញ​កាត់ដេរ​ពី​កម្ពុជា​

​គេហទំព័រ​មួយ​ឈ្មោះ​ថា​ Asean​ Briefing​ បាន​បង្ហាញ​របាយការណ៍​របស់​ខ្លួន​ថា​ ប្រទេស​ចំនួន​បួន​ ដែល​ជាទី​ផ្សារ​នាំ​ផលិតផល​កាត់ដេរ​សម្លៀក​បំពាក់​ និង​ ស្បែកជើង​ ច្រើន​ជាងគេ​ពី​កម្ពុជា​ គឺ​ សហភាព​អឺរ៉ុប​ អា​មេ​រិ​ក​ កា​ណា​ដា​ និង​ប្រទេស​ជប៉ុន​។​

​តាម​របាយការណ៍​របស់​គេហទំព័រ​ បរទេស​មួយ​នេះ​ គឺ​សហភាព​អឺរ៉ុប​ បាន​នាំ​ចូល​ទំនិញ​ប្រភេទ​នេះ​ មាន​ទំហំ​៤០​ភាគរយ​ អា​មេ​រិ​ក​ ៣០​ភាគរយ​ កា​ណា​ដា​ ៩​ភាគរយ​ និង​ជប៉ុន​ ៤​ភាគរយ​។​ តាម​របាយការណ៍​ ប្រទេស​ទាំង​បួន​នេះ​ បាន​នាំ​ផលិតផល​សម្លៀក​បំពាក់​ និង​ ស្បែកជើង​ សរុប​មាន​ចំនួន​ ៨៣​ភាគរយ​ ក្រៅពី​នេះ​ ក៏​មាន​ប្រទេស​ដទៃ​ទៀត​ផង​ដែរ​ ក៏​ប៉ុន្ដែ​ប្រទេស​ដែល​នាំ​យក​ផលិតផល​ សម្លៀក​បំពាក់​ និង​ ស្បែកជើង​ពី​កម្ពុជា​ ពុំ​មាន​ប្រទេស​ចិន​នោះ​ទេ​។​

​តាម​ប្រភព​ដដែល​ រោងចក្រ​នៅ​កម្ពុជា​ ដែល​មាន​ស្ដង់ដា​ មាន​ប្រមាណ​ ៥៨៩​ រោងចក្រ​ ហើយ​មាន​កម្មករ​កំពុង​បម្រើ​ការ​ជាង​ ៦០​ម៉ឺន​នាក់​។​

​តែបើ​យោង​តាម​របាយការណ៍​របស់​រដ្ឋាភិបាល​កម្ពុជា​ រោងចក្រ​កាត់ដេរ​សម្លៀក​បំពាក់​ និង​ ស្បែកជើង​ នៅ​កម្ពុជា​ មាន​ជាង​ ១០០០​រោងចក្រ​ ហើយ​មាន​កម្មករ​សរុប​ជាង​ ៨០​ម៉ឺន​នាក់​។​ ជាមួយ​គ្នា​នេះ​ ពលករ​កម្ពុជា​ ដែល​ទៅ​ធ្វើ​ការងារ​នៅ​ប្រទេស​ថៃ​ មាន​ចំនួន​ជាង​មួយ​លាន​នាក់​ ដោយ​ពួក​គេ​ទទួល​បាន​ប្រាក់ខែ​គោល​ ២៥០​ ដុល្លារ​។​ ចំណែក​កម្ពុជា​ គឺ​បាន​ផ្ដល់​ប្រាក់ខែ​គោល​ ១៧០​ដុល្លារ​ ចាប់ពី​ឆ្នាំ​២០១៨​។​ ដោយឡែក​នៅ​ប្រទេស​វៀតណាម​ ប្រាក់ខែ​គោល​របស់​កម្មករ​ ក្នុង​ប្រទេស​ដែល​មាន​សេដ្ឋកិច្ច​ជឿនលឿន​នៅ​អាស៊ី​អាគ្នេយ៍​មួយ​នេះ​ គឺ​មាន​ចំនួន​ ១៦៦​ដុល្លារ​អា​មេ​រិ​ក​៕

Leave a Reply

Your email address will not be published. Required fields are marked *

ព័ត៌មានទាក់ទង

ចៅសង្កាត់​បក្ស​សង្គ្រោះ​ជាតិ​មួយ​ចំនួន​ត្រូវ​បាន​រា​រាំង​និង​ដក​យក​ត្រា​បន្ទាប់​ពី​បក្ស​នេះ​ត្រូវ​បាន​រំលាយ​

ចៅសង្កាត់​អូ​ចារ​និង​ចៅសង្កាត់​ទួល​តា​ឯកនៃ​គណ[...]

​អង្គការ​ការពារ​អ្នកកាសែត​អំពាវនាវ​ឲ្យ​អាជ្ញាធរ​ដោះ​លែង​អតីត​អ្នកកាសែត​វិទ្យុ​អាស៊ី​សេរី​

ភ្នំពេញ៖​គណៈកម្មាធិការ​ការពារ​អ្នក​សារព័ត៌មាន[...]

អាមេរិកប្រកាសលែងផ្តល់ជំនួយសម្រាប់ការបោះឆ្នោតនៅកម្ពុជាឆ្នាំ២០១៨

ក្រុងភ្នំពេញ៖ សហរដ្ឋអាមេរិកបានប្រកាសនៅក្នុងសេ[...]

ព័ត៏មានថ្មី

វីដេអូថ្មីបំផុត