loader

សម្តេច ស ខេង ប្រកាសឱ្យបន្តដកហូតឯកសារខុសប្រក្រតីពីជនបរទេស

ភ្នំពេញ៖ សម្តេច​ ស ខេង រដ្ឋមន្រ្តីក្រសួងមហាផ្ទៃលើកឡើងថា ក្រសួងមហាផ្ទៃនៅតែបន្ត និងពង្រឹងការដកហូតឯកសារ​មិន​ប្រក្រតីដែល​ជនបរទេសកំពុងកាន់កាប់។ ការប្រកាសនេះធ្វើឡើងនៅក្នុង​កិច្ចប្រជុំ​ផ្សព្វផ្សាយ​លទ្ធផល​ការងារ ដកហូត​​​ឯកសារ​រដ្ឋបាល​កម្ពុជា មិន​ប្រក្រតីដែល​ជនបរទេស​កាន់កាប់​ប្រើប្រាស់ និង​ការទទួល​ពាក្យសុំ​ប្រកាស​ទទួលស្គាល់ ជា​ជនបរទេស​អន្តោប្រវេសន៍ និង​ប័ណ្ណ​ស្នាក់នៅ​អចិន្ត្រៃយ៍ នៅព្រឹក​ថ្ងៃ​ពុធ ទី​១៧ ខែកក្កដា ឆ្នាំ​២០១៩​ នៅទៅស្តីការក្រសួងមហាផ្ទៃ។

នេះបើយោងតាមគេហទំព័ររបស់ក្រសួងមហាផ្ទៃ។ យោងតាមក្រសួងមហាផ្ទៃ គិតត្រឹមថ្ងៃទី១៧ ខែកក្កដា ឆ្នាំ២០១៩ ប៉ូលិសអន្តោប្រវេសន៍ បានដកហូតឯកសាររដ្ឋបាលកម្ពុជា ចំនួនជិត ៤ម៉ឺនច្បាប់ ស្មើនឹងជាង ២ម៉ឺនគ្រួសារ សរុបចំនួនមនុស្សមានជិត ៧ម៉ឺននាក់ ក្នុងនោះមាន ១០សញ្ជាតិ ដែលភាគច្រើនជាជនជាតិវៀតណាម។

ឯកសារមិន​ប្រក្រតីដែលសមត្ថកិច្ចដកហូត​ទាំងនោះរួមមាន៖ អត្តសញ្ញាណប័ណ្ណសញ្ជាតិខ្មែរ សៀវភៅស្នាក់នៅ និងសៀវភៅគ្រួសារជាដើម។​

​សម្តេច​ ស ខេង មានប្រសាសន៍ថា “​បើ​យើង​មិន​ដកហូត​ឯកសារ​រដ្ឋបាល​មិន​ប្រក្រតី​ទាំងនេះ​ទេ នោះ​ជនបរទេស​ជិត ៧​ម៉ឺន​នាក់​នេះ នឹង​ទទួលបាន​សញ្ជាតិ​ខ្មែរ ដោយ​ស្វ​យ​ប្រវត្តិ​។ នេះ​ជា​កំហុស​របស់​ថ្នាក់ដឹកនាំ និង​មន្ត្រី​ជំនាញ ក្នុងការ​ផ្តល់​លិខិត​ឯកសារ​រដ្ឋបាល មិន​ប្រក្រតី​ទាំងនោះ ដល់​ជនបរទេស​។ រីឯ​ជនបរទេស ដែល​ប្រើប្រាស់​ឯកសារ​មិន​ត្រឹមត្រូវ​ទាំងនោះក៏​ប្រឈម​នឹង​ការ​ទទួលទោស​តាមច្បាប់​។ ម្យ៉ាងទៀត នៅពេលនេះ បើ​យើង​មិន​ធ្វើ នោះ​យើង​នឹង​ខុស ហើយ​កំហុស​នេះ នៅ​ស្ថិត​ស្ថិរ និង​ជា​កំហុស​ប្រវត្តិសាស្ត្រ​”​។​

​សូមបញ្ជាក់ថា ក្នុងយុទ្ធនាការដកហូតឯកសារខុសប្រក្រតីពីជាបរទេសនេះ អគ្គនាយកដ្ឋានអន្តោប្រវេសន៍ បាន​ទទួល​ពាក្យសុំ​ប្រកាស​ទទួលស្គាល់ ជា​ជនបរទេស​អន្តោប្រវេសន៍ចំនួនជាង ៧ម៉ឺនឯកសារ មាន​មនុស្សជាង ៣ម៉ឺនគ្រួសារនិង​ប័ណ្ណ​ស្នាក់នៅ​អចិន្ត្រៃយ៍ នៅ​កម្ពុជា ចំនួនជាង ៦ម៉ឺនឯកសារសរុបចំនួន​មនុស្សមានជិត ៣ម៉ឺនគ្រួសារ ដែលក្នុងនោះមាន ១១​សញ្ជាតិ​៕​

បញ្ចេញមតិ

avatar

ព័ត៌មានទាក់ទង

លោកសមរង្ស៊ីធ្វើដំណើរ​ រុលដល់ម៉ាឡេស៊ីខណៈការចូលកម្ពុជាវិញរបស់គាត់កាន់តែខិតជិតមកដល់

Read this article in English ក្រុងភ្នំពេញ៖ បណ[...]

Sam Rainsy traveled to Malaysia as his return to Cambodia drew ever closer

Sam Rainsy traveled to Malaysia as his return to Cambodia drew ever closer

ថ្ងៃសុក្រ ទី១៦ ខែសីហា ឆ្នាំ២០១៩

(Phnom Penh) : Social media has reported on t[...]

ចិនថាកម្ពុជាមានកម្លាំងខាងក្រៅជ្រៀតជ្រែកកិច្ចការផ្ទៃក្នុងរឿងមូលដ្ឋានទ័ព

ភ្នំពេញ៖ ឯកអង្គរដ្ឋទូតនៃសាធារណៈរដ្ឋប្រជាមានិត[...]

ព័ត៏មានថ្មី

វីដេអូថ្មីបំផុត