loader

សមាជិកសភាបក្ស​កាន់អំណាចអនុម័តឱ្យតុលាការបន្តនីតិវិធីករណីលោកកឹមសុខា

ភ្នំពេញ៖សមាជិកសភានៃគណបក្សប្រជាជនកម្ពុជា ចំនួន ៦៧រូប ដែលបានចូលប្រជុំសភានៅព្រឹកថ្ងៃចន្ទ ទី១១ ខែ​កញ្ញា​នេះ បានអនុម័តឱ្យតុលាការបន្ដនីតិវិធី ដើម្បីចាត់ការលើសំណុំរឿងលោក កឹម សុខា ប្រធាន​គណបក្ស​សង្រ្គោះ​ជាតិ​ដែលបានចោទប្រកាន់ដោយរដ្ឋាភិបាលពីបទអំពើក្បត់ជាតិ ។

នៅក្នុងកិច្ចប្រជុំសភានេះ មិនមានវត្តមានរបស់នាយករដ្ឋមន្រ្ដីនោះទេ ហើយសភាប្រជុំតែរយៈពេល ជាង ១០នាទី។

កិច្ចប្រជុំសភាវិសាមញ្ញា ធ្វើឡើងដោយពុំមានវត្តមានសមាជិកសភាគណបក្សសង្រ្គោះជាតិចូលប្រជុំនោះទេ ដោយ​ពួកគេ​ភាគ​ច្រើន​ទៅ​ប្រមូលផ្ដុំគ្នានៅខាងមុខនៅតុលាការត្រពាំងថ្លុងខេត្តត្បូងឃ្មុំ ទីដែលលោក កឹម សុខា កំពុងឃុំខ្លួននៅទីនោះ។

លោក កឹម សុខា ប្រធានគណបក្សសង្រ្គោះ​ជាតិត្រូវបានសមត្ថកិច្ចចូល​ចាប់ខ្លួននៅលំនៅដ្ឋានរបស់លោក កាល​ពីពាក់​កណ្ដាល​អធ្រាត្រ ថ្ងៃទី០២ ខែកញ្ញា ២០១៧ ។ លោកត្រូវបានចោទពីបទក្បត់ជាតិដោយសារតែរដ្ឋាភិបាល​ចាប់សំឡេង​លោក​និយាយ​នៅក្នុង​វេទិកា​មួយ​នៅ​​ប្រទេសអូស្ដ្រាលី កាលពីឆ្នាំ២០១៣៕

 

Leave a Reply

Your email address will not be published. Required fields are marked *

ព័ត៌មានទាក់ទង

ចៅសង្កាត់​បក្ស​សង្គ្រោះ​ជាតិ​មួយ​ចំនួន​ត្រូវ​បាន​រា​រាំង​និង​ដក​យក​ត្រា​បន្ទាប់​ពី​បក្ស​នេះ​ត្រូវ​បាន​រំលាយ​

ចៅសង្កាត់​អូ​ចារ​និង​ចៅសង្កាត់​ទួល​តា​ឯកនៃ​គណ[...]

​អង្គការ​ការពារ​អ្នកកាសែត​អំពាវនាវ​ឲ្យ​អាជ្ញាធរ​ដោះ​លែង​អតីត​អ្នកកាសែត​វិទ្យុ​អាស៊ី​សេរី​

ភ្នំពេញ៖​គណៈកម្មាធិការ​ការពារ​អ្នក​សារព័ត៌មាន[...]

អាមេរិកប្រកាសលែងផ្តល់ជំនួយសម្រាប់ការបោះឆ្នោតនៅកម្ពុជាឆ្នាំ២០១៨

ក្រុងភ្នំពេញ៖ សហរដ្ឋអាមេរិកបានប្រកាសនៅក្នុងសេ[...]

ព័ត៏មានថ្មី

វីដេអូថ្មីបំផុត