loader

រាជធានី-ខេត្តមួយចំនួនអាចប្រឈមនឹងជំនន់ទឹកភ្លៀង

ភ្នំពេញ៖ ប្រព័ន្ធសម្ពាធទាបនឹងធ្វើឲ្យកម្ពុជាមានភ្លៀងធ្លាក់ច្រើននៅទូទាំងប្រទេស ចាប់ពីថ្ងៃទី១៣ ដល់២២ ខែតុលា ខណៈរាជធានីខេត្តមួយចំនួន ប្រឈមនឹងជំនន់ទឹកភ្លៀង។ នេះបើតាមសេចក្ដីជូនដំណឹងរបស់ក្រសួងធនធានទឹក និងឧតុនិយម ។

តាមសេចក្ដីជូនដំណឹងរបស់ក្រសួងធនធានទឹក និងឧតុនិយម ចុះផ្សាយនៅថ្ងៃទី ០៩ ខែតុលា ឆ្នាំ២០១៧នេះ ដដែល គឺ បន្ទាប់ពីបានតាមដានលើស្ថានភាពអាកាសធាតុរួចមក ឃើញថា​ ប្រព័ន្ធសម្ពាធទាប បាននឹងកំពុងបន្ដអូសកាត់លើភាគខាងជើងកម្ពុជា។

ចំណែកវិសម្ពាធមួយនៅក្នុងសមុទ្រចិនខាងត្បូងក៏បាននឹងកំពុងរំកិលខ្លួនមកកាន់ឆ្នេរប្រទេសវៀតណាមភាគកណ្ដាលដែលវិសម្ពាធនេះនឹងប​ង្កឱ្យប្រព័ន្ធសម្ពាធទាបនៅលើប្រទេសកម្ពុជា បង្កើនឥទ្ធិពលកាន់តែខ្លាំង។

សេចក្ដីជូនដំណឹងពីការព្យាករណ៍អាកាសធាតុរបស់ក្រសួងធនធាននិងឧតុនិយម ​បានបញ្ជាក់ទៀតថា ចាប់ពីថ្ងៃទី ១១ ខែតុលា ឆ្នាំ២០១៧ តទៅ សម្ពាធទាបដែលកើតឡើងនៅមហាសមុទ្រប៉ាស៊ីហិ្វក នឹងរំកិលខ្លួនឆ្លងកាត់ប្រទេសហ្វីលីពីន ចូល មកក្នុងសមុទ្រចិនខាងត្បូង ជាបន្ដបន្ទាប់ ធ្វើឱ្យប្រព័ន្ធសម្ពាធទាបបន្ដស្ថិតនៅលើប្រទេសកម្ពុជាជាច្រើនថ្ងៃ បន្ថែមទៀត។

លក្ខណៈបែបនេះ នឹងធ្វើឱ្យអាកាសធាតុនៅព្រះរាជាណាចក្រកម្ពុជា  ផ្ទៃមេឃមានសភាពអាប់អួ អាចមានភ្លៀងធ្លាក់ច្រើនជាប់ៗគ្នា ក្នុងក្របខ័ណ្ឌទូទាំងប្រទេស ពិសេសចាប់ពីថ្ងៃទី ១៣ ដល់ថ្ងៃទី ២២ ខែតុលា ឆ្នាំ២០១៧ ហើយរាជធានី-ខេត្តជាច្រើនអាចប្រឈមនឹងជំនន់ទឹកភ្លៀង។ក្នុងពេលជាមួយគ្នាភ្លៀងក៏ធ្លាក់រាយប៉ាយច្រើននៅលើតំបន់ផ្ទៃរងទឹកភ្លៀងរបស់ទន្លេមេគង្គ ដែលជាកត្តាជំរុញឱ្យទឹកទន្លេហក់ឡើងជាថ្មី៕

 

 

Leave a Reply

Your email address will not be published. Required fields are marked *

ព័ត៌មានទាក់ទង

ព័ត៌មានសម្ងាត់ជាចំណុចស្មុគស្មាញក្នុងសេចក្តីព្រាងច្បាប់ស្តីពីសិទ្ធិទទួលបានព័ត៌មាន

ភ្នំពេញ៖ ស្របពេលដែលក្រសួងព័ត៌មាន គ្រោងបញ្ចប់ក[...]

ប្រមុខរដ្ឋរដ្ឋាភិបាលបន្ថែមប្រាក់ឧបត្ថម្ភមួយផ្នែកទៀតដល់កីឡាការិនីនៅពេលសម្រាលកូន

ក្រៅពីកម្មការិនីរោងចក្រ ​​ស្រ្តីដែលបម្រើការងា[...]

អង្គការ ​WCS​ ដំឡើង​ផ្ទាំង​រូបភាព​សត្វ​ក្រពើ​ត្រី​ ដើម្បី​អំពាវនាវ​ពលរដ្ឋ​ឲ្យ​ចូលរួម​អភិរក្ស​

អង្គការ​សមាគម​អភិរក្ស​សត្វព្រៃ​ ហៅ​កាត់​ថា​ W[...]

ព័ត៏មានថ្មី

វីដេអូថ្មីបំផុត