loader

រដ្ឋមន្ត្រីពាណិជ្ជកម្មសុំឱ្យនិស្សិតខ្មែររៀននៅជប៉ុន ជួយជំរុញវិនិយោគជប៉ុនមកកម្ពុជា

ភ្នំពេញ៖ លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្មទទូចប្រតិភូនិស្សិតកម្មវិធីអាហារូបករណ៍អភិវឌ្ឍន៍ជប៉ុន (JDS) ជួយផ្សព្វផ្សាយភាពខ្លាំងនៃកម្ពុជាទៅកាន់ពិភពលោក ដើម្បីលើកស្ទួយកិត្តិនាមរបស់កម្ពុជាលើឆាកអន្តរជាតិ។ នេះបើតាមការចុះផ្សាយរបស់ទំព័រហ្វេសបុកក្រសួងពាណិជ្ជកម្ម កាលពីថ្ងៃទី ៧ សីហាម្សិលមិញ។

យោងតាមការចុះផ្សាយរបស់ក្រសួងពាណិជ្ជកម្មនេះ បញ្ជាក់ថាសំណើនេះ ធ្វើឡើងនាឱកាសជួបសំណេះសំណាលជាមួយប្រតិភូនិស្សិតអាហារូបករណ៍ជប៉ុន (JDS) ចំនួន ២៤រូប ដែលសុទ្ធសឹងតែជាមន្ត្រីរាជការ មកពីស្ថាប័នជាតិនានាទូទាំងប្រទេសកម្ពុជា នៅទីស្តីការក្រសួងពាណិជ្ជកម្ម កាលពីរសៀលថ្ងៃទី០៧ ខែសីហា ឆ្នាំ២០១៨។

លោក ប៉ាន សូរស័ក្ដិ បានផ្ដាំទៅនិស្សិតអាហារូបករណ៍នេះថា​ ត្រូវបា្រប់ទៅពិភពលោកអំពីសក្តានុពលនៃវិស័យសេដ្ឋកិច្ច ពាណិជ្ជកម្ម ទេសចរណ៍ ក៏ដូចជា វប្បធម៌នៃកម្ពុជាទៅដល់និស្សិតបរទេស និងប្រជាជនជប៉ុន ដែលការណ៍នេះ ជាការចូលរួមចំណែកក្នុងការលើកស្ទួយមុខមាត់ប្រទេស កម្ពុជា។

ជាងនេះទៅទៀត លោកបន្ថែមថា ត្រូវបំផុសឱ្យប្រជាជន និងអ្នកវិនិយោគជប៉ុន ចូលមកទស្សនា និងវិនិយោគ​ឱ្យកាន់តែច្រើននៅកម្ពុជា។ ប្រការដែលសំខាន់ជាងនេះទៅទៀតនោះ និស្សិតទាំងអស់ត្រូវរក្សានូវអត្តសញ្ញាណជាតិ អត្តចរិតថ្លៃថ្នូរល្អប្រសើរ។

គួររំលឹកថា កម្មវិធីអាហារូបករណ៍អភិវឌ្ឍន៍ជប៉ុន (JDS) ផ្តួចផ្តើមឡើងដោយរាជរដ្ឋាភិបាលនៃប្រទេសជប៉ុន តាំងពីឆ្នាំ២០០០ ដើម្បីផ្តល់ឱកាសជូនមន្ត្រីរាជការវ័យក្មេងរបស់កម្ពុជា ទៅបន្តការសិក្សាថ្នាក់អនុបណ្ឌិត និងថ្នាក់បណ្ឌិត លើមុខជំនាញផ្សេងៗ នៅតាមសាកលវិទ្យាល័យល្បីៗក្នុងប្រទេសជប៉ុន។ គិតមកដល់ឆ្នាំ ២០១៨នេះ មាននិស្សិតកម្ពុជាចំនួន ៤១៦នាក់ហើយ ដែលបានទទួលអាហារូបករណ៍នេះ៕

បញ្ចេញមតិ

avatar

ព័ត៌មានទាក់ទង

សង្គមស៊ីវិល៖ ស្រ្តីកម្ពុជានៅជនបទមានហានិភ័យខ្ពស់ក្នុងការប្រើប្រាស់ហ្វេសប៊ុក(មានសំឡេង)

ភ្នំពេញ៖ អង្គការសង្គមស៊ីវិលបង្ហាញថា ប្រជាជនកម[...]

សម្ដេច ហ៊ុន សែន អះអាងប្រាប់មេដឹកនាំវៀតណាមថាពុំមានកងទ័ពបរទេស(ចិន)លើទឹកដីកម្ពុជាទេ

ភ្នំពេញ៖ សម្ដេចនាយករដ្ឋមន្រ្តីកម្ពុជាបានថ្លែង[...]

មេដឹកនាំកម្ពុជានិងវៀតណាមសន្យាបញ្ចប់ការបោះបង្គោលព្រំដែនអោយឆាប់

ក្នុងសន្និសីទរួមគ្នា នៅថ្ងៃទី ៧ ខែធ្នូ ឆ្នាំ [...]

ព័ត៏មានថ្មី

វីដេអូថ្មីបំផុត