loader

មេដឹកនាំ​កំពូលៗ​បក្ស​កាន់​អំណាច​ ថ្វាយ​លិខិត​ជូនពរ​ព្រះមហាក្សត្រ​ថ្ងៃ​ព្រះ​អង្គ​គ្រងរាជ្យ​

ភ្នំពេញ៖ ​យ៉ាងតិច​ណាស់​លិខិត​ថ្វាយព្រះពរ​ ចំនួន​ ៣​ ដាច់​ដោយឡែក​ពី​គ្នា​បាន​រៀបរាប់​ជូនពរ​ព្រះករុណា​ព្រះបាទ​ សម្តេចព្រះ​បរមនាថ​ នរោត្តម​ សីហ​មុនី​ ព្រះមហាក្សត្រ​នៃ​កម្ពុជា​ ក្នុង​ឱកាស​ព្រះ​រាជពិធី​បុណ្យខួប​លើក​ទី​១២​ នៃ​ការ​យាង​គ្រង​ព្រះ​បរម​សិរី​រាជសម្បត្តិ​។​

king-sihamony1
ព្រះមហាក្សត្រ​ សម្តេចព្រះ​បរមនាថ​ នរោត្តម​ សីហ​មុនី​ បាន​ឡើង​គ្រង​ព្រះ​បរម​សិរី​រាជសម្បត្តិ​នៅ​ថ្ងៃ​ទី​២៩​តុលា​ ឆ្នាំ​២០០៤​ បន្ទាប់​ពី​ព្រះ​បិតា​របស់​ព្រះ​អង្គ​ព្រះបាទ​នរោត្តម​សីហ​នុ​ បាន​ដាក់រាជ្យ​។​ ព្រះ​អង្គ​ បាន​ឡើង​គ្រងរាជ្យ​តាម​ការ​ជ្រើស​តាំងពី​ក្រុម​ ប្រឹក្សា​ រាជសម្បត្តិ​ ដែល​ក្នុង​នោះ​មាន​ សម្ដេច​ ហ៊ុន​ សែន​ ផង​ដែរ​។​

​មេដឹកនាំ​បក្ស​កាន់​អំណាច​ ដែល​ ថ្វាយ​លិខិត​ ជូនពរ​ព្រះមហាក្សត្រ​ មាន​ សម្ដេច​ ហ៊ុន​ សែន​ នាយក​រដ្ឋមន្ត្រី​ និង​ជា​ប្រធាន​គណបក្ស​ ប្រជាជន​កម្ពុជា​ សម្ដេច​ ហេង​ សំ​រិ​ន​ ប្រធានរដ្ឋសភា​ និង​ជា​ប្រធានកិត្តិយស​គណបក្ស​  លោក​ ឧបនាយករដ្ឋមន្ត្រី​ សុខ​ អាន​ ជា​មន្ត្រីជាន់ខ្ពស់​ របស់​គណបក្ស​។​ ចំណែក​ ភរិយា​របស់​សម្ដេច​ ហ៊ុន​ សែន​ គឺ​ សម្ដេច​ ប៊ុ​ន​ រ៉ា​នី​ ក៏​បាន​ថ្វាយ​លិខិត​ជូនពរ​ ព្រះ​អង្គ​ផង​ដែរ​។​

​លិខិត​ របស់​ថ្នាក់ដឹកនាំ​កំពូលៗ​ នៃ​បក្ស​កាន់​អំណាច​ មាន​ខ្លឹមសារ​ប្រហាក់ប្រហែល​គ្នា​ ដោយ​ សរសើរ​ ព្រះករុណា​ ដែល​ឡើង​គ្រងរាជ្យសម្បត្តិ​ បានជា​ម្លប់​ដ៏​ត្រជាក់​សម្រាប់​ប្រជារាស្ត្រ​ និង​ប្រទេស​ជាតិ​។​

​លិខិត​បាន​បន្ត​ថា​សូម​ព្រះករុណា​ជា​អ​ម្ចាស់ជីវិតលើត្បូង​ ព្រះ​អង្គ​ប្រកបដោយ​ព្រះរាជ​សុខភាព​ល្អ​បរិបូរណ៍​ ព្រះ​កាយពល​មាំមួន​ ព្រះ​ជន្មាយុ​យឺនយូរ​ជាង​រយ​ព្រះ​វស្សា​ ព្រះ​បញ្ញាញាណ​វាងវៃ​ ដើម្បី​ទ្រង់​គង់​ប្រថាប់​ជា​ម្លប់​ដ៏​ត្រជាក់​ និង​សេចក្ដីសុខ​ ដល់​ប្រជានុរាស្ត្រ​របស់​ព្រះ​អង្គ​ ជា​និច្ច​និរន្តរ៍​៕

បញ្ចេញមតិ

avatar

ព័ត៌មានទាក់ទង

លោកសមរង្ស៊ីធ្វើដំណើរ​ រុលដល់ម៉ាឡេស៊ីខណៈការចូលកម្ពុជាវិញរបស់គាត់កាន់តែខិតជិតមកដល់

Read this article in English ក្រុងភ្នំពេញ៖ បណ[...]

Sam Rainsy traveled to Malaysia as his return to Cambodia drew ever closer

Sam Rainsy traveled to Malaysia as his return to Cambodia drew ever closer

ថ្ងៃសុក្រ ទី១៦ ខែសីហា ឆ្នាំ២០១៩

(Phnom Penh) : Social media has reported on t[...]

ចិនថាកម្ពុជាមានកម្លាំងខាងក្រៅជ្រៀតជ្រែកកិច្ចការផ្ទៃក្នុងរឿងមូលដ្ឋានទ័ព

ភ្នំពេញ៖ ឯកអង្គរដ្ឋទូតនៃសាធារណៈរដ្ឋប្រជាមានិត[...]

ព័ត៏មានថ្មី

វីដេអូថ្មីបំផុត