loader

មហាសន្និបាតUNឆ្នាំនេះអវត្តមានលោកមូហ្គាបេមេដឹកនាំហ្សិមបាវ៉េតែមេដឹកនាំថ្មីថ្លែងប្ដេជ្ញាដើម្បីប្រទេសមានប្រជាធិបតេយ្យ

ប្រធានាធិបតីថ្មីនៃប្រទេសហ្សិមបាវ៉េ លោក ម៉ាណាន់ ហ្គាវ៉ា បានបង្ហាញខ្លួននៅចំពោះមុខមេដឹកនាំពិភពលោករាប់រយនាក់នៅឯមហាសន្និបាតអង្គការសហប្រជាជាតិដែលកំពុងប្រព្រឹត្តទៅនៅថ្ងៃនេះ ដោយលោកថ្លែងពីការខំប្រឹងប្រែងដើម្បីប្រជាធិបតេយ្យរបស់ប្រទេសលោក គឺខុសប្លែកពីអតីតមេដឹកនាំមូហ្គាបេ។

សុរន្ទកថារបស់លោក ម៉ាណាន់ ​ហ្គាវ៉ា​ ក៏បានធ្វើអោយភ្ញាក់ផ្អើលផងដែរដល់មេដឹកនាំជាច្រើនដែលមានវត្តមាន ព្រោះតាមទម្លាប់ ការថ្លែងសុរន្ទកថាតំណាងអោយប្រជាជនហ្សិមបាវ៉េ គឺមានតែ លោក មូហ្គាបេ ម្នាក់គត់។

លោក មូហ្គាបេ ត្រូវបានពួកយោធាផ្ដួលរលំពីអំណាចនៅចុងឆ្នាំ ២០១៧ ដែលជាការបញ្ចប់ការកាន់អំណាច អស់  រយៈពេល ៣៧ឆ្នាំ របស់មេដឹកនាំកើតចេញពីបដិវត្តរូបនេះ ។

លោក មូហ្គាបេ កាលពីឆ្នាំមិញ លោកមានវត្តមាននៅឯមហាសន្និបាតនេះដែរ ប៉ុន្ដែមានតែម្នាក់គត់ គឺរូបលោកដែលមានអាយុជិត ១០០ឆ្នាំ កំពុងកាន់អំណាចនៃប្រទេសក្រីក្រមួយនៃទ្វីបអាហ្វ្រិក។

បុរសវ័យ ៩៣ ឆ្នាំរូបនេះ បានអង្គុយនៅឯមហាសន្និបាតអង្គការសហប្រជាជាតិកាលពីឆ្នាំទៅមិញស្ថិតក្នុងស្ថានភាពដេកលង់លក់ ដែលធ្វើអោយអ្នកថតរូបបានផ្ដិតរូបលោកបង្ហោះព្រោតព្រាងលើបណ្ដាញសង្គម ។

យ៉ាងណាក៏ដោយ លោក ម៉ាន់ណាហ្គាវ៉ា ជាមេដឹកនាំថ្មីនៃប្រទេសហ្សិមបាវ៉េបានថ្លែងប្ដេជ្ញាចិត្តជាខ្លាំងអំពីគោលជំហររបស់លោកដឹកនាំប្រទេស ធ្វើអោយមានសន្ដិភាព ឯកភាពជាតិ និងការអត់ឱន ក្រោមប្រព័ន្ធប្រជាធិបតេយ្យថ្មី​កើតចេញពីការបោះឆ្នោតកាលពីថ្ងៃទី៣០ ខែកក្កដា ឆ្នាំ២០១៨ កន្លងទៅនេះ។

យោងតាមប្រភពព័ទ៌មាន The Source បានអោយដឹងថា លោក ម៉ាណាន់ហ្គាវ៉ា ក្រៅពីថ្លែងអំពីប្រទេសរបស់លោក លោកក៏បានថ្លែងជាច្រើនទៀតអំពីបរិបទពិភពលោក ដែលកំពុងមានភាពចម្រុងចម្រាស់ ។ លោកបានទាមទារអោយមាការកែទម្រង់រចនាសម្ព័ន្ធអង្គការសហប្រជាជាតិ។ លោកទាមទារអោយទ្វីបអាហ្វ្រិកក្លាយជាតំណាងធំមួយនៃសមាជិកមិនអចិន្រ្ដៃយ៍នៃក្រុមប្រឹក្សាសន្ដិសុខអង្គការសហប្រជាជាតិ។

យ៉ាងណាក៏ដោយ លោក ម៉ាណាន់ហ្គាវ៉ា ប្រកាសបើកចំហទំនាក់ទំនងរវាងប្រទេសលោកជាមួយនឹងបណ្ដាប្រទេសទាំងអស់ដោយមិនរើសអើងនិន្នាការនយោបាយឡើយ៕

 

បញ្ចេញមតិ

avatar

ព័ត៌មានទាក់ទង

អ្នកជំនាញសេដ្ឋកិច្ច៖ សង្រ្គាមពាណិជ្ជកម្ម ចិន-អាមេរិក អភិវឌ្ឍសេដ្ឋកិច្ចក្រុងហាណូយ

នៅខែមិថុនាឆ្នាំ២០១៨ ចិនប្រកាសថា អាមេរិកកំពុងធ[...]

ប្រធានាធិបតីឈីលីថាប៉ុន្មានថ្ងៃទៀតនេះពិភពលោកនឹងអបអរសាទរការកំចាត់លោកម៉ាឌូរ៉ួពីអំណាច

ប្រធានាធិបតីឈីលី Sebastian Pinera បានអះអាងថាន[...]

អាមេរិកបង្កកទ្រព្យសម្បត្តិក្រុមហ៊ុនប្រេងវេណេហ្សូអេឡា​នៃរបបម៉ាឌូរ៉ូ ៧ ពាន់លាន​$​ឱ្យបក្សប្រឆាំង

ភាពតានតឹងផ្នែកនយោបាយរវាងក្រុមបក្សប្រឆាំងដឹកនា[...]

ព័ត៏មានថ្មី

វីដេអូថ្មីបំផុត