loader

មន្រ្តីកាំកុងត្រូល៖ទំនិញក្នុងផ្សារនៅរាជធានីភ្នំពេញ​គ្មានសារធាតុគីមីហាមឃាត់

ភ្នំពេញ៖ មន្រ្តីកាំកុងត្រូលពិនិត្យឃើញថាផ្សារចំនួន ៦ ក្នុងរាជធានីភ្នំពេញ ពុំមានឡើយទំនិញដែលមានសារធាតុគីមីហាមឃាត់។ លទ្ធផលនេះរកឃើញបន្ទាប់ពីមន្រ្តីសាខាកាំកុងត្រូលផែស្ងួតចុងទីភ្នំពេញ និងសាខាកាំកុងត្រូលរាជធានីភំ្នពេញ បានចុះត្រួតពិនិត្យកាលពីថ្ងៃទី២៤ វិច្ឆិកា។ នេះបើតាមទំព័រហ្វេសប៊ុករបស់អគ្គនាយកដ្ឋានកាំកុងត្រូល។

                                                                            មន្រ្តីកំពុងពិនិត្យគុណភាពទំនិញក្នុងផ្សារធំថ្មី។

បើតាមអគ្គនាយកដ្ឋានកាំកុងត្រូលផ្សារចំនួន ៦នោះ រួមមាន៖ ផ្សារអូរឡាំពិក ផ្សារអូរឬស្សី ផ្សារដើមគរ ផ្សារស្ទឹងមានជ័យ ផ្សារធំថ្មី និងផ្សារទួលទំពូង។ តាមការចុះត្រួតពិនិត្យ និងធ្វើតេស្តបឋមតាមបណ្តាផ្សារទាំងនេះ ឃើញថាម្ហូបអាហារ មួយចំនួនដូចជា៖ គ្រឿងសមុទ្រ គុយទាវសរសៃតូច លត បាញ់កាញ់ មីគ្រប់មុខ ទឹកខ្មេះគ្រប់ប្រភេទ ប្រហិតគ្រប់មុខ ជ្រក់គ្រប់មុខ សាច់ក្រក ត្រីងៀតគ្រប់មុខ និងម្ហូបអាហារវេចខ្ចប់ស្រេច ពុំមានសារធាតុគីមីហាមឃាត់នោះទេ។ ចំណែកភាពសមស្របរបស់ផលិតផល ឬឌឺឡេងរបស់ទំនិញក៏រកពុំឃើញភាពប្រក្រតីដែរ។

ប្រតិបត្តិការចុះត្រួតពិនិត្យរបស់មន្រ្តីអគ្គនាយកដ្ឋានកាំកុងត្រូលនេះធ្វើឡើងក្នុងគោលបំណងស្រាវជ្រាវ និងទប់ស្តាត់នូវទំនិញខូចគុណភាព ទំនិញហួសរយ:ពេលប្រើប្រាស់ ឬមានសារធាតុគីមីហាមឃាត់ ដែលធ្វើអោយប៉ះពាល់ដល់សុខភាព ឬធ្វើឱ្យខាតបង់ផលប្រយោជន៍សេដ្ឋកិច្ចរបស់អ្នកប្រើប្រាស់ ។

សូមរំលឹកជូនថា គណៈកម្មាធិការ​ប្រយុទ្ធ​ប្រឆាំង​ផលិតផល​ក្លែងក្លាយ​នៃ​ក្រសួងមហាផ្ទៃ​ កាលពីថ្ងៃទី០៣ មេសា បានកម្ទេច​ផលិតផលក្លែងក្លាយរួមមានផលិតផល​កែ​សម្ផស្ស ​និង​គ្រឿងផ្សំ​ឧបភោគបរិភោគ​ជាង​១០០​តោន​។ ​ផលិតផល​ក្លែងក្លាយ​ទាំងនេះ​ធ្វើ​ឲ្យ​ប៉ះពាល់​ដល់​សុខភាព និងសេដ្ឋកិច្ចជាតិ​យ៉ាងធ្ងន់ធ្ងរ​។​

ក្នុងការបង្រ្កាបនោះ មនុស្ស​យ៉ាងតិច​បី​នាក់​ត្រូវ​បាន​កាត់ទោស​ឲ្យ​ជាប់ពន្ធ​នាគា​រយៈពេល​មួយ​ឆ្នាំ​ ហើយ​អាជ្ញា​ធរមាន​សមត្ថ កិច្ច​ត្រូវ​រឹបអូស​ទ្រព្យសម្បត្តិ​មួយ​ចំនួន​ទុកជា​សម្បត្តិ​រដ្ឋ ​និង​ម៉ាស៊ីន​ផលិត​ចំនួន​១៦​គ្រឿង​។​

ដោយឡែកកាលពីថ្ងៃទី២០ កញ្ញា ឱសថ​ផុត​សុពលភាព​ និង​អន់​គុណភាព​ជាង​១០០​មុខស្មើ​នឹង​ប្រហែល​ ៤០​ តោន​ ត្រូវ​បាន​គណៈកម្មាធិការ​ប្រយុទ្ធ​ប្រឆាំង​ផលិតផល​ក្លែងក្លាយ​នៃ​ក្រសួងមហាផ្ទៃរឹបអូស​ពី​ក្រុមហ៊ុន​នាំ​ចូល​មួយ​ឈ្មោះ​ ខេ​ម​បូ​ឌា​ ខ​ប​ភើ​រេ​សិន​ ហ្វា​ម៉ា​ នៅ​រាជធានី​ភ្នំពេញ​។​ឱសថ​នាំ​ចូលទាំងនោះ​គ្មាន​ចុះបញ្ជី​កា​ត្រឹមត្រូវ​ ហើយ​​គ្មាន​បរិ​យា​ប័ណ្ណ​ឬ បកប្រែជា​ខេមរភាសា​​៕​

 

បញ្ចេញមតិ

avatar

ព័ត៌មានទាក់ទង

សហជីពមួយអំពាវនាវកុំឱ្យមានការព្រួយបារម្ភអំពីEBA

សហជីពមួយអំពាវនាវកុំឱ្យមានការព្រួយបារម្ភអំពីEBA

ថ្ងៃព្រហស្បតិ៍ ទី២១ ខែកុម្ភៈ ឆ្នាំ២០១៩

ភ្នំពេញ៖ មេសហជីពធំមួយនៅកម្ពុជាបានថ្លែងដោយអំពា[...]

នាយករដ្ឋមន្រ្តី៖ ទីផ្សារចិន-វៀតណាមអាចធ្វើឱ្យវិស័យស្រូវអង្ករកម្ពុជាប្រសើរឡើងទោះបីអឺរ៉ុបយកពន្ធ

កណ្តាល៖ ថ្លែងចំពោះមុខកម្មករកាត់ដេរជាងមួយម៉ឺនន[...]

តើសេដ្ឋកិច្ចប្រឹងរៀងខ្លួនរបស់សមាជិកអាស៊ាន នាំសមាគមនេះឈានទៅ​​រកភាពរីកចម្រើនបានដល់កម្រិតណា?

សមាគមអាស៊ានឬសមាគមប្រជាជាតិអាស៊ីគ្នេយ៍បានបង្កើ[...]

ព័ត៏មានថ្មី

វីដេអូថ្មីបំផុត