loader

ប្រទះឃើញសត្វត្រយ៉ងយក្ស ៤ ក្បាលក្នុងដែនជម្រកសត្វព្រៃកែវសីមា

ភ្នំពេញ៖ ក្រុមស្រាវជ្រាវ និងត្រួតពិនិត្យសត្វព្រៃ នៃអង្គការសមាគមអភិរក្សសត្វព្រៃWCS បានរកឃើញសត្វត្រយ៉ងយក្សចំនួន០២គូរ ស្មើនឹង០៤ក្បាល ស្ថិតនៅក្នុងដែនជម្រកសត្វព្រៃកែវសីមា ក្នុងខេត្តមណ្ឌលគីរី។

​​​​​​                                                                      សត្វត្រយ៉ងយក្សក្នុងដែនអភិរក្សកែវសីហា។រូបភាពពីក្រសួងបរិស្ថាន

យោងតាមសេចក្តីប្រកាសព័ត៌មានចេញផ្សាយ នៅថ្ងៃទី៣១ ខែសីហា ឆ្នាំ២០១៧ របស់អង្គការWCS ឱ្យដឹងថា ជិតរយៈពេល១០ ឆ្នាំហើយ ដែលក្រុមការងារទើបប្រទះឃើញសត្វត្រយ៉ងយក្ស នៅក្នុងដែនជម្រកសត្វព្រៃកែវសីមា ខេត្តមណ្ឌលគីរីនេះ។ តាមសេចក្តីប្រកាសព័ត៌មានដដែល ប្រភេទសត្វស្លាបនេះ គឺពូជសត្វផុតពូជលើពិភពលោក។

លោក សូត្រ វ៉ាន់ឌឿន ប្រធានក្រុមស្រាវជ្រាវសត្វព្រៃនៃដែនជម្រកសត្វព្រៃកែវសីមា បានអោយដឹងថា លោកនិងក្រុមការងារនឹងបន្តស្វែងរកសំបុកពងកូនរបស់សត្វត្រយ៉ងយក្សទាំងនេះ ព្រោះឥឡូវនេះ ជារដូវពងកូនរបស់ពួកសត្វត្រយ៉ងយក្ស។ លោកបន្តថា ក្រុមអ្នកស្រាវជ្រាវ នឹងធ្វើការងារជាមួយសហគមន៍ និងក្រុមល្បាត នៃក្រសួងបរិស្ថាន ដើម្បីការពារសំបុកពងកូនសត្វត្រយ៉ងយក្សផងដែរ។

ការរកឃើញសត្វត្រយ៉ងយក្ស ចំនួនបួនក្បាលនេះ ឆ្លុះបញ្ចាំងថា ដែនជម្រកសត្វព្រៃ កែវសីមា គឺជាតំបន់មានជីវចម្រុះខ្ពស់ និងពិតជាមានសារៈសំខាន់ខ្លាំងសម្រាប់អភិរក្សប្រភេទថនិកសត្វ និងសត្វ ស្លាបប្រភេទរងគ្រោះនិងកម្រ។

សូមបញ្ជាក់ថា ត្រយ៉ងយក្ស ជាសត្វស្លាបតំណាងអោយព្រះរាជាណាចក្រកម្ពុជា ស្ថិតក្នុងបញ្ជីក្រហមរបស់អង្គការ IUCN ជាប្រភេទស្តវរងគ្រោះជិតផុតពូជបំផុតលើពិភពលោក។

សត្វស្លាបប្រភេទនេះគេរកឃើញមានតែនៅកម្ពុជា និងមានតិចតួចនៅប្រទេសឡាវតែប៉ុណ្ណោះ។ នៅលើពិភពលោក សត្វត្រយ៉ងយក្សពេញវ័យមានត្រឹមតែ​ ១៩៤ក្បាលប៉ុណ្ណោះ ហើយ ៩៩ ភាគរយមានវត្តមាននៅកម្ពុជា។ ដូចនេះអ្នកអភិរក្សបរិស្ថាន បានអោយដឹងថា ការពង្រឹងកាអនុវត្តច្បាប់ និងការចូលរួមរបស់ប្រជាសហគមន៍ ពិតជាចាំបាច់ក្នុងការធានាដល់ការរស់នៅរបស់សត្វព្រៃនៅកម្ពុជា៕

Leave a Reply

Your email address will not be published. Required fields are marked *

ព័ត៌មានទាក់ទង

ចៅសង្កាត់​បក្ស​សង្គ្រោះ​ជាតិ​មួយ​ចំនួន​ត្រូវ​បាន​រា​រាំង​និង​ដក​យក​ត្រា​បន្ទាប់​ពី​បក្ស​នេះ​ត្រូវ​បាន​រំលាយ​

ចៅសង្កាត់​អូ​ចារ​និង​ចៅសង្កាត់​ទួល​តា​ឯកនៃ​គណ[...]

​អង្គការ​ការពារ​អ្នកកាសែត​អំពាវនាវ​ឲ្យ​អាជ្ញាធរ​ដោះ​លែង​អតីត​អ្នកកាសែត​វិទ្យុ​អាស៊ី​សេរី​

ភ្នំពេញ៖​គណៈកម្មាធិការ​ការពារ​អ្នក​សារព័ត៌មាន[...]

អាមេរិកប្រកាសលែងផ្តល់ជំនួយសម្រាប់ការបោះឆ្នោតនៅកម្ពុជាឆ្នាំ២០១៨

ក្រុងភ្នំពេញ៖ សហរដ្ឋអាមេរិកបានប្រកាសនៅក្នុងសេ[...]

ព័ត៏មានថ្មី

វីដេអូថ្មីបំផុត