loader

ប្រជាជនក្រុងហុងកុងបង្ហាញកម្លាំងមិនចុះញ៉មក្រុងប៉េកាំង

ចុងសប្ដាហ៍នេះប្រជាជនក្រុងហុងកុងរាប់ម៉ឺននាក់នៅតែបន្ដដើរក្បួនបាតុកម្មគគ្រឹកគគ្រេងពាសពេញវិថីនានាទោះជាមានភ្លៀងធ្លាក់មិនប្រណីក៏ដោយ។ គ្រប់គ្នាជាបាតុករលើកឆ័ត្រចម្រុះពណ៌ឡើងនិងដោយសន្ដិភាពបំផុតនៅសប្ដាហ៍នេះព្រោះគេពុំឃើញមានការប៉ះទង្គិចណាមួយនឹងអាជ្ញាធរក្រុងហុងកុងនោះទេ។តែយ៉ាងណាបាតុកម្មធំៗចំនួនបីលើកក្នុងរយៈពេល១១សប្ដាហ៍មកនេះគឺប្រមុខបាតុករដឹកនាំបានឱ្យសារព័ត៌មានITV ដឹងថាមានការចាប់ខ្លួនជនស៊ីវិលដល់ទៅជាង៦០០នាក់រួចទៅហើយ។ព្រោះការព្យួរច្បាប់ស្ដីពីបត្យាប័នមិនទាន់ធ្វើឱ្យចិត្តរបស់បាតុករស្រាកស្រាន្ដនោះទេ។ប្រជាពលរដ្ឋក្រុងហុងកុងមិនចង់ឃើញនិងលឺសូម្បីតែស្រមោលនៃច្បាប់ស្ដីបត្យាប័ន។ តែរឿងច្បាប់នេះវាបានធ្វើឱ្យមានការគាស់កកាយអំពីប្រព័ន្ធដឹកនាំនយោបាយរបស់ចិន។ នៅថ្ងៃដដែលនេះប្រជុំក្រុមនិស្សិតនៅព្រលានយន្ដហោះក្រុងហុងកុងបានឆ្លើយតបទៅនឹងបុរសជនជាតិអូស្រា្ដលីម្នាក់ដែលបានខឹងនឹងក្រុមបាតុករបានធ្វើឱ្យអាក់ខានជើងហោះរហើររបស់លោក លោកស្រែកទៅកាន់ពួកគេថា ពិភពលោកដឹងថាហុងកុងជាផ្នែកមួយនៃចិន។ យ៉ាងណាពួកគេមិនបដិសេធទេ តែគ្រាន់ចោទសំណួរគូសបញ្ជាក់ថា តើពួកយើងខុសមែនទេ?​អ្នកមិនយល់អំពីស្ថានភាពប្រជាជនក្រុងហុងកុងពេលនេះ នឹងទៅអនាគតទៅ ប្រព័ន្ធនយោបាយដ៏ពុករលួយនៃ ប្រទេសមួយប្រព័ន្ធពីរ។

ត្រង់ចំណុចនេះតើប្រជាជនក្រុងហុងកុងចង់បានបែបណាវិញ?

វីឌីអូព័ត៌មានរបស់Global Time បានសម្ដែងឱ្យឃើញថាក្រុមបាតុករមិនឆ្លើយនឹងសំណួរជនបរទេសអូស្រា្ដលីដែលថា តើនរណាមួយពុករលួយប្រាប់មកមើលនោះទេ? តែពួកគេបានព្រួតគ្នាស្រែកប្រាប់ទៅអ្នកដំណើរជាអ្នកជំនួញម្នាក់នោះថា លោកយល់អំពីប្រព័ន្ធនយោបាយមួយដ៏ពុករលួយទេ។ ពួកគេបញ្ជាក់ទៀតថា លោករកស៊ីនៅហុងកុងដោយមិនជាប់ពន្ធទេត្រូវទេ? ក៏ព្រោះតំបន់ស្វយ័តនេះអនុគ្រោះដល់វិនិយោគិនណាស់ ចុះបើថ្ងៃណាមួយហុងកុងជាចិនវិញ តើលោកនឹងរកស៊ីបែបណា!

ការលើកឡើងរបស់ក្រុមនិស្សិតទាំងនោះសង្កត់ន័យជាខ្លាំងពេលនេះមិនមែនតែច្បាប់ស្ដីពីបត្យាប័ននោះទេ តែគេ ប្រទេសមួយប្រព័ន្ធពីរ ដែលជាគោលនយោបាយរបស់លោក តេងស៊ាវពីង។ គោលនយោបាយប្រទេសមួយប្រព័ន្ធពីរត្រូវបានដណ្ដប់លើក្រុងហុងកុងក្រោយពីដែនកោះមួយនេះត្រូវបានផ្ទេរពីការគ្រប់គ្រងរបស់អង់គ្លេស១៥០ឆ្នាំមកឱ្យចិនវិញក្នុងឆ្នាំ១៩៩៧។ ប្រជាជនក្រុងហុងកុងដែលមានចរិតនយោបាយដិតដាមផ្នត់គំនិតសេរីនិយមនៃលទ្ធិប្រជាធិបតេយ្យតែងតែទាមទារជាច្រើននូវសិទ្ធិស្វ័យសម្រេចរបស់ពួកគេ ក៏ប៉ុន្ដែការទាមទាររាល់លើករបស់ពួកគេមិនធ្លាប់មានរូបភាពបែបនេះឡើយ។តែបាតុកម្មសម្បើមម្ដងនេះបាតុករហាក់បង្ហាញថាអស់រយៈពេល២២មកនេះ គោលនយោបាយប្រទេសមួយប្រព័ន្ធពីររបស់ចិនពោរពេញដោយការគម្រាមកំហែងសេរីភាពរបស់ក្រុងហុងកុងណាស់តួយ៉ាងគឺបដារបស់បាតុករសរសេរបដាថា Free Hong Kongដោះលែងហុងកុងឱ្យមានសេរីភាពទៅ និង Democracy Now លទ្ធិប្រជាធិបតេយ្យឥលូវនេះ! ជាងនេះបាតុករថាចិនកំពុងអនុវត្តនូវប្រព័ន្ធនយោបាយមួយដែលមានលក្ខណៈអាជ្ញាព្រឹត្តបំផុតព្រមទាំងពុករលួយគ្រប់យ៉ាងមានតែលក្ខណៈចាត់តាំង។

តែបែបនេះក្ដី រដ្ឋាភិបាលក្រុងប៉េកាំងមិនដែលដកសម្ដីព្រមានរបស់ខ្លួនម្ដងណាឡើយ ដើម្បីកុំឱ្យមានការជ្រៀតជ្រែកផ្ទៃក្នុងខ្លួនគឺថា សហគមន៍អន្ដរជាតិ ត្រូវយល់ឱ្យបានច្បាស់មុនវាយតម្លៃគឺរដ្ឋាភិបាល​ក្រុង​ប៉េកាំង អនុវត្ត គោលនយោបាយ​«​ប្រទេសមួយ ប្រព័ន្ធ​ពីរ​»។​

សូមបញ្ជាក់ថាតាមកិច្ចព្រមព្រៀង​ហុងកុង ត្រូវ​ស្ថិតនៅ​ជា​តំបន់​មាន​ស្វ័យភាព​ពេញលេញ សិទ្ធិសេរីភាព​ជា​មូលដ្ឋានគ្រឹះ​របស់​មនុស្ស​ជាតិ និង​មាន​ប្រព័ន្ធតុលាការ​ដាច់ដោយឡែក​ពី​ប្រទេស​ចិន រហូតដល់​ឆ្នាំ ២០៤៧​។

ដោយចក្ខុវិស័យនិងការព្រួយបារម្ភយុវជនជាច្រើនបានប្រាប់ទៅកាន់អាណាព្យាបាលរបស់ពួកគេឱ្យរួមគិតថា តើក្រោយឆ្នាំ២០៤៧នោះ តើនឹងមានអ្វីកើតឡើងសម្រាប់ពួកគេដែលជាអ្នកជំនាន់ក្រោយ។វាបានសេចក្ដីថាប្រជាជនក្រុងហុងកុងមួយភាគធំពេលនេះទោះត្រូវធ្វើការតស៊ូមតិឬបាតុកម្មជាច្រើនខែ ឬ ច្រើនដងបន្ដយ៉ាងណាទៀត គឺពួកគេនៅតែបង្ហាញជំហររឹងមាំស៊ូក្រាញននាលដរាបណាចិនផ្ដល់ចម្លើយនិងដំណោះស្រាយពិតប្រាកដធានាថាបានថាហុងកុងត្រូវតែមានអនាគតដ៏ភ្លឺស្វាងដូចដែលអំណាចប្រជាជនប្រាថ្នា៕

ឆោម ពៅនិកា

បញ្ចេញមតិ

avatar

ព័ត៌មានទាក់ទង

សមាជិកសភានិងឧត្តមសេនីយ៍អាមេរិកសិក្សាអំពីផែនការវាយប្រហារទៅលើប្រទេសអ៊ីរ៉ង់

សមាជិករដ្ឋសភានិងព្រឹទ្ធសភា រួមទាំងឧត្តមសេនីយ៍[...]

វិភាគ៖អតីតមេបក្សប្រឆាំងម៉ាឡេស៊ីAnwarIbrahimចូលកាន់តំណែងនាយករដ្ឋមន្រ្ដីក្នុងឆ្នាំ២០២០អាចធ្វើឱ្យប្រជាធិបតេយ្យនៅអាស៊ានកាន់តែរឹងមាំ

តំបន់អាស៊ីអាគ្នេយ៌ គឺជាប្លុកធំមួយ មាន១០ប្រទេស[...]

តើចិននឹងមានអ្វីកើតឡើងបើហុងកុងធ្លាក់ក្នុងបដិវត្តន៍ពណ៌?

រយៈពេល១៥សប្ដាហ៍មកហើយដែលហុងកុងស្ថិតក្នុងសភាពចល[...]

ព័ត៏មានថ្មី

វីដេអូថ្មីបំផុត