loader

នាយក​រដ្ឋមន្ត្រី​កម្ពុជា​ទៅ​វៀតណាម​ គោរព​វិញ្ញាណក្ខន្ធ​វីរៈជន​ហូ​ជី​មិ​ញ​

សម្តេច​ ហ៊ុន​ សែន​ នាយក​រដ្ឋមន្ត្រី​នៃ​កម្ពុជា​ កាលពី​ថ្ងៃ​ទី​២០​ ខែធ្នូ​ បាន​ទៅ​ គោរព​វិញ្ញាណក្ខន្ធ​ លោក​ ហូ​ ជី​មិ​ញ​ និង​បំពាក់​កម្រងផ្កា​ នៅ​វិមាន​អនុស្សាវរីយ៍​ដែល​ជា​លើក​ដំបូង​ត្រូវ​បាន​បង្ហាញ​ជា​សាធារណៈ​។​ នេះ​បើ​យោង​តាម​ Facebook​ Page​ របស់​សម្តេច​បង្ហោះ​ឲ្យ​ដឹង​នៅ​មុន​នេះ​បន្តិច​។​

hunsen-ho-1
សម្តេច​ ហ៊ុន​ សែន​ ប្រមុខ​រាជរដ្ឋាភិបាល​កម្ពុជា​ បាន​ដឹកនាំ​គណៈប្រតិភូ​រាជរដ្ឋាភិបាល​កម្ពុជា​ចេញ​ទៅ​បំពេញ​ ទស្សនកិច្ច​នៅ​វៀតណាម​រយៈពេល​ ២​ថ្ងៃ​ ពោល​គឺ​នៅ​ថ្ងៃ​ទី​២០-២១​ ខែធ្នូ​ ឆ្នាំ​២០១៦​នេះ​។​

​ក្នុង​ដំណើរ​ទស្សនកិច្ច​នេះ​សន្ធិសញ្ញា​ និង​កិច្ចព្រមព្រៀង​ចំនួន​៣​ នឹង​ត្រូវ​ចុះហត្ថលេខា​រវាង​កម្ពុជា​ និង​ វៀតណាម​។​

​យោង​តាម​ Facebook​ Page​ របស់​សម្តេច​ សន្ធិសញ្ញា​ និង​កិច្ចព្រមព្រៀង​ដែល​ត្រូវ​ចុះហត្ថលេខា​រួម​មាន​៖​

-​សន្ធិសញ្ញា​ស្តី​ពី​ការ​ផ្ទេរ​អ្នកទោស​,​ សន្ធិសញ្ញា​ស្តី​ពី​ជំនួយ​ទៅ​វិញ​ទៅ​មក​ផ្នែក​ច្បាប់ព្រហ្មទណ្ឌ​ និង​កិច្ចព្រមព្រៀង​ ស្តី​ពី​កិច្ច​សហប្រតិបត្តិការ​រវាង​ក្រសួង​ធម្មការ​ សាសនា​ និង​គណៈកម្មាធិការ​ជនជាតិ​ នៃ​សាធារណរដ្ឋ​សង្គមនិយម​វៀតណាម​។​

​ក្រៅពី​នោះ​សម្តេច​ ហ៊ុន​ សែន​ ជួប​សំណេះសំណាល​ការងារ​ទ្វេភាគី​ជាមួយ​សម​ភាគី​ វៀតណាម​ លោក​ ង្វៀ​ន​ ហ្វ៊ូ​ ជុង​ អគ្គលេខាធិការ​បក្ស​កុម្មុយនីស្ត​វៀតណាម​,​ លោក​ ត្រាន់​ ដាយ​ ក្វា​ង​ ប្រធានាធិបតី​វៀតណាម​ និង​ លោកស្រី​ ង្វៀ​ន​ ធី​គឹ​ម​ ងិ​ន​ ប្រធានរដ្ឋសភា​វៀតណាម​។​

​ប្រវត្តិ​សង្ខេប​របស់​មេដឹកនាំ​ហូ​ជី​មិ​ញ​

​លោក​ ហូ​ជី​មិ​ញ​ កើត​នៅ​ឆ្នាំ​១៨៩០​។​ កើត​ក្នុង​ត្រកូល​កសិករ​។​ ឈ្មោះ​ ដើម​របស់​លោក​ ង្វៀ​ន​ អាយ​ហ្វុ​ក​ ដែល​ប្រជាជន​វៀតណាម​ និយម​ហៅ​ថា​ បាក​ ហូ​(​អ៊ុំ​ ហូ​)​។​ មុន​ក្លាយជា​ជន​បដិវត្ត​ លោក​ ហូ​ជី​មិ​ញ​បាន​ទៅ​រៀន​នៅ​ប្រទេស​បារាំង​ និង​រស់នៅ​ប្រទេស​អង់គ្លេស​ អា​មេ​រិ​ក​ ក្នុង​វ័យ​យុវជន​ តស៊ូ​ដ៏​ខ្លាំងក្លា​។​ លោក​ជា​ជន​បដិវត្ត​ឈានមុខ​ ក្នុង​ការ​ប្រយុទ្ធ​ប្រឆាំង​អាណានិគម​បារាំង​។​ លោក​បាន​ ក្លាយជា​នាយក​រដ្ឋមន្ត្រី​ ពី​ឆ្នាំ​១៩៤៥​ ដល់​ឆ្នាំ​ ១៩៥៥​ និង​ក្រោយមក​ជា​ប្រធានាធិបតី​ រហូត​លោក​បាន​ទទួលមរណភាព​នៅ​ឆ្នាំ​១៩៦៩​ក្នុង​ជន្មាយុ​ ៧៩​ឆ្នាំ​។​ លោក​ត្រូវ​បាន​ ប្រជាជន​វៀតណាម​ចាត់ទុកជា​វីរៈជន​គំរូ​តែ​មួយ​គត់​នៃ​ជន​បដិវត្ត​។​ ជា​អ្នកត្រួសត្រាយ​ផ្លូវ​សម្រាប់​ជន​បដិវត្ត​ជំនាន់​ក្រោយ​ ហើយ​ជា​អ្នក​គូសវៀស​ ដើម្បី​អាណាចក្រ​ វៀតណាម​ ផង​ដែរ​។​ ទោះជា​យ៉ាងណា​ គេ​មិនដឹង​ថា​ លោក​ ហូ​ជី​មិ​ញ​ មានកូន​ឬ​ប្រពន្ធ​នោះ​ទេ​៕​

hunsen-ho-2

ho-chi

បញ្ចេញមតិ

avatar

ព័ត៌មានទាក់ទង

លោកសមរង្ស៊ីធ្វើដំណើរ​ រុលដល់ម៉ាឡេស៊ីខណៈការចូលកម្ពុជាវិញរបស់គាត់កាន់តែខិតជិតមកដល់

Read this article in English ក្រុងភ្នំពេញ៖ បណ[...]

Sam Rainsy traveled to Malaysia as his return to Cambodia drew ever closer

Sam Rainsy traveled to Malaysia as his return to Cambodia drew ever closer

ថ្ងៃសុក្រ ទី១៦ ខែសីហា ឆ្នាំ២០១៩

(Phnom Penh) : Social media has reported on t[...]

ចិនថាកម្ពុជាមានកម្លាំងខាងក្រៅជ្រៀតជ្រែកកិច្ចការផ្ទៃក្នុងរឿងមូលដ្ឋានទ័ព

ភ្នំពេញ៖ ឯកអង្គរដ្ឋទូតនៃសាធារណៈរដ្ឋប្រជាមានិត[...]

ព័ត៏មានថ្មី

វីដេអូថ្មីបំផុត