loader

តុលាការឃុំខ្លួនជនសង្ស័យបីនាក់ករណីចរាចរណ៍អាវុធគ្រឿងផ្ទុះ

ខេត្តបន្ទាយមានជ័យ៖តុលាការខេត្តបន្ទាយមានជ័យបានសម្រេចឃុំខ្លួនបណ្តោះអាសន្នជនសង្ស័យបីនាក់ ក្រោមការចោទប្រកាន់ពីបទផលិតឬធ្វើចរាចរណ៍អាវុធគ្រឿងផ្ទុះ និងគ្រាប់រំសេវគ្រប់ប្រភេទ។ បទចោទដែលមានចែងក្នុងមាត្រា៤៨៨ នៃក្រមព្រហ្មទណ្ឌ។នេះបើតាមអ្កនំាពាក្យសាលាដំបូងខេត្តបន្ទាយមានជ័យ លោក សុខ កែវបណ្ឌិត នៅថ្ងៃពុធ ទី២៦ កក្កដានេះ។

ជនជាប់ចោទទាំងបីរួមមានលោក ជិម លីន អាយុ៣៦ឆ្នំា រស់នៅស្រុកសំពៅលូន ខេត្តបាត់ដំបង និងលោក យឹម សាវី អាយុ៣៨ឆ្នំា រស់នៅស្រុកភ្នំព្រឹក ខេត្តបាត់ដំបង និងលោក អប់ វីរៈ អាយុ៤៨ឆ្នំា រស់នៅសង្កាត់អូរចា ខេត្តបាត់ដំបង។

ជនសង្ស័យទំាងបីរូបត្រូវបានចាប់ខ្លួននៅថ្ងៃទី២៣ កក្កដា ឆ្នំា២០១៧ បន្ទាប់ពីមានសេចក្តីរាយការណ៍ថាជនសង្ស័យចំនួនប្រាំនាក់ត្រូវចាប់ខ្លួនដោយអាជ្ញាធរថៃពីបទបានរត់ពន្ធអាវុធខុសច្បាប់ពីប្រទេសកម្ពុជាឆ្ពោះទៅកាន់ប្រទេសមីយ៉ាន់ម៉ា។អាជ្ញាធរថៃបានរកឃើញកាំភ្លើងត្បាល់ប្រភេទ៨១និង៨២មីលីម៉ែត្រចំនួនបីដើម និងគ្រាប់រួមទាំងឧបករណ៍បំផ្ទុះមួយចំនួន។

បើតាមអ្នកនំាពាក្យសាលាដំបូងខេត្តបន្ទាយមានជ័យ លោក សុខ កែវបណ្ឌិត ប្រសិនបើរកឃើញទោសកំហុស ជនសង្ស័យទាំងបីអាចនឹងប្រឈមនឹងការផ្តន្ទាទោស ដាក់ពន្ធនាគារពី៥ឆ្នំាទៅ ១០ឆ្នំា៕

Leave a Reply

Your email address will not be published. Required fields are marked *

ព័ត៌មានទាក់ទង

ចៅសង្កាត់​បក្ស​សង្គ្រោះ​ជាតិ​មួយ​ចំនួន​ត្រូវ​បាន​រា​រាំង​និង​ដក​យក​ត្រា​បន្ទាប់​ពី​បក្ស​នេះ​ត្រូវ​បាន​រំលាយ​

ចៅសង្កាត់​អូ​ចារ​និង​ចៅសង្កាត់​ទួល​តា​ឯកនៃ​គណ[...]

​អង្គការ​ការពារ​អ្នកកាសែត​អំពាវនាវ​ឲ្យ​អាជ្ញាធរ​ដោះ​លែង​អតីត​អ្នកកាសែត​វិទ្យុ​អាស៊ី​សេរី​

ភ្នំពេញ៖​គណៈកម្មាធិការ​ការពារ​អ្នក​សារព័ត៌មាន[...]

អាមេរិកប្រកាសលែងផ្តល់ជំនួយសម្រាប់ការបោះឆ្នោតនៅកម្ពុជាឆ្នាំ២០១៨

ក្រុងភ្នំពេញ៖ សហរដ្ឋអាមេរិកបានប្រកាសនៅក្នុងសេ[...]

ព័ត៏មានថ្មី

វីដេអូថ្មីបំផុត