loader
Rachnabot Bayan

ក្រុមស្រាវជ្រាវបុរាណវិទ្យាកំណាយរកឃើញបដិមាដ៏ធំមួយក្នុងរចនាបថបាយ័ន

ភ្នំពេញ៖ក្រុមអ្នកសិក្សាស្រាវជ្រាវបុរាណវិទ្យាមួយក្រុមបានកំណាយដោយរកឃើញបដិមាធំមួយក្នុងរចនាបថបាយ័ននៅថ្ងៃទី ៣០ កក្កដា ឆ្នំា ២០១៧នៅតំបន់អង្គរ។
បដិមាធំមួយក្នុងរចនាបថបាយ័ននៅថ្ងៃទី ៣០ កក្កដា ឆ្នំា ២០១៧នៅតំបន់អង្គរ។ ប្រភពរូប៖ ហ្វេសប៊ុករបស់អាជ្ញាធរជាតិអប្សរាបាន។
បដិមាធំមួយក្នុងរចនាបថបាយ័ននៅថ្ងៃទី ៣០ កក្កដា ឆ្នំា ២០១៧នៅតំបន់អង្គរ។ ប្រភពរូប៖ ហ្វេសប៊ុករបស់អាជ្ញាធរជាតិអប្សរាបាន។
បើតាមបណ្តាញសង្គមហ្វេសប៊ុករបស់អាជ្ញាធរជាតិអប្សរាបានសរសេរថា ក្រុមអ្នកសិក្សាស្រាវជ្រាវបុរាណ វិទ្យារបស់អាជ្ញាធរជាតិអប្បរា និងមហា វិទ្យាល័យ បច្ចេកវិទ្យា និងវិទ្យាស្ថានស្រាវជ្រាវអាស៊ីអាគ្នេយ៍ប្រទេសសិង្ហបុរី បានកំណាយរកឃើញបដិមាធំ មួយអង្គក្នុងរចនាបថបាយ័ន ក្នុងគម្រោងសិក្សាស្រាវជ្រាវស្វែងយល់ពីមន្ទីរពេទ្យកសាងក្នុងរជ្ជកាលព្រះបាទជ័យវរ្ម័នទី៧។
ការកំណាយរកឃើញបដិមាមួយអង្គនេះ ស្ថិតនៅមន្ទីរពេទ្យទន្លេស្ងួតខាងជើងក្រុងអង្គរធំប្រហែមួយគីឡូម៉ែត្រ។ បដិមានេះ មានកម្ពស់១,៩០ ម៉ែត្រ និងស្មាទទឹង០,៥៨ម៉ែត្រ។ បដិមាបាក់ដៃទំាងពីរត្រឹមស្មា និងបាក់ជើងស្តំាត្រឹមកជើង និងបាក់ជើងឆ្វេងត្រឹមគល់ភ្លៅ ដោយដងខ្លួន និងក្បាលនៅមានក្បាច់ចម្លាក់សម្លៀកបំពាក់ និងក្បំាងសក់នៅស្អាតល្អ។

លោក ខៀវ ច័ន្ទ មន្រ្តីជំនាញផ្នែកបុរាណវិទ្យារបស់អាជ្ញាធរជាតិអប្បរា បានសន្និដ្ឋានថា បដិមា នេះជាទ្វារបាល ឬឆ្មំាយាមក្លោងទ្វារ មន្ទីរពេទ្យកសាងក្នុងរជ្ជកាលព្រះបាទជ័យវរ្ម័នទី៧។

លោកបញ្ជាក់ថា បដិមានេះកប់ក្នុងដីជម្រៅប្រហែលបួនតឹក ដោយដេកផ្ងារបែរក្បាលទៅទិសខាងលិចទៅព្រះវិហារនៃមន្ទីរពេទ្យនេះ។ លោកបន្ថែមថា ក្រុមការងារសិក្សាស្រាចជ្រាវ បានកំណាយរកឃើញបដិមានេះដោយចៃដន្យ ក្នុងគម្រោងសិក្សាអំពីទំនាក់ទំនងរវាងប្រឡាយមុខមន្ទីរពេទ្យ និងរចនាសម្ព័ន្ធនៃមន្ទីរពេទ្យទន្លេស្ងួត។

លោកអះអាងថា មដិមានេះនឹងទៅរក្សាទុកនៅសារមន្ទីរព្រះនរោត្តមសីហនុអង្គរ ដើម្បីរក្សា សុវត្ថិភាព និងដាក់តំាងឲ្យភ្ញៀវទេសចរណ៍ទស្សនាបន្ទាប់ពីក្រុមជំនាញកត់ត្រាហើយនោះ៕

បញ្ចេញមតិ

Be the First to Comment!

avatar

ព័ត៌មានទាក់ទង

ក្រសួងសេដ្ឋកិច្ចរៀបចំគោលនយោបាយបន្ថយកម្ចីបរទេសកាត់បន្ថយហានិភ័យ

រដ្ឋលេខាធិការក្រសួងសេដ្ឋកិច្ច និងហិរញ្ញាវត្ថុ[...]

អង្គការ​ WCS​ ៖​ គិត​ត្រឹម​ឆ្នាំ​២០១៧​ ចំនួន​សត្វ​ស្លាប​កម្ពុជា​មានការ​កើនឡើង​ ប៉ុន្ដែ​ចំនួន​ថនិកសត្វ​បាន​ថយ​ចុះ​

អង្គការ​សមាគម​អភិរក្ស​សត្វព្រៃ​ បាន​ឲ្យ​ដឹង​ថ[...]

​ក្រសួង​ការងារ​គ្រោង​បង្កើត​កម្មសិក្សា​ផ្នែក​ធនធានមនុស្ស​តាម​ប្រព័ន្ធ​អ៊ិ​ន​ធើ​ណែ​ត​

លោក​រដ្ឋមន្ត្រី​ អ៊ិ​ត​ សំ​ហេង​ បញ្ជាក់​ថា​កម[...]

ព័ត៏មានថ្មី

វីដេអូថ្មីបំផុត