loader

ក្រសួងពាណិជ្ជកម្មផ្តើមស៊ើបអង្កេតករណីអង្ករថៃដាក់រូបអង្គរវត្តលក់នៅបរទេស

ភ្នំពេញ៖ ក្រសួងពាណិជ្ជកម្មកម្ពុជាកំពុងធ្វើការពិនិត្យ និងស៊ើបអង្កេតលើករណីក្លែងបន្លំអត្តសញ្ញាណទំនិញអង្ករថៃ ដែលមានដាក់រូបប្រាសាទអង្គរវត្ត និងឈ្មោះជាភាសាខ្មែរលើបាវអង្ករថា«អង្ករក្រអូបពិសេស»ដើម្បីបំភ័ន្តអ្នកប្រើប្រាស់។ ជាមួយគ្នានេះក្រសួងពាណិជ្ជកម្ម កំពុងចាត់វិធានការតាមដានតាមមធ្យោបាយទូត និងផ្លូវច្បាប់នានា ដើម្បីស្វែងរកប្រភព និងបុគ្គលល្មើសសំដៅបញ្ឍប់ការធ្វើចរាចរណ៍ទំទិញក្លែងបន្លំអត្តសញ្ញាណនេះ។ នេះបើតាមសេចក្តីប្រកាសព័ត៌មានរបស់ក្រសួងពាណិជ្ជកម្មកាលពីម្សិលមិញ។

                                              ផលិតផលអង្ករថៃដែលដាក់រូបអង្គរវត្ត និងអក្សរខ្មែររបស់កម្ពុជា។រូបភាពហ្វេសប៊ុក

 

ផ្អែកតាមការស្រាវជ្រាវបឋមរបស់ក្រសួងពាណិជ្ជកម្ម ទំនិញអង្ករខាងលើមានដាក់លក់នៅក្នុងទីក្រុង ម៉ុងរ៉េអាល់ ប្រទេសកាណាដា តែប៉ុណ្ណោះគឺពុំមានលក់នៅប្រទេសផ្សេងឡើយ។

ក្រសួងពាណិជ្ជកម្មបញ្ជាក់ថា ការនាំចេញអង្ករពីកម្ពុជាទៅកាន់ទីផ្សារអន្តរជាតិ ជាពិសេសទីផ្សារសហគមន៍អឺរ៉ុប សហរដ្ឋ អាមេរិក ​និងកាណាដា គឺត្រូវបានឆ្លងកាត់ការត្រួតពិនិត្យ និងផ្ទៀងផ្ទាត់យ៉ាងហ្មត់ចត់ ពីស្ថាប័នមានសមត្ថកិច្ច ចាប់តាំងពីដំណាក់កាលផលិត រហូតដល់ច្រកនាំចេញ។

ការចេញវិធានការ​នេះ​ធ្វើ​ឡើង ខណៈ​រដ្ឋមន្ដ្រី​ក្រសួង​ព័ត៌មាន​កាលពី​ថ្ងៃ​ពុធ​បង្ហោះ​លើ​ហ្វេសប៊ុក​របស់​លោក​នូវ​រូបភាព​អង្ករ​ដែល​លក់​នៅ​ទីផ្សារ​អាមេរិក​ ដោយ​ដាក់​រូប​ប្រាសាទ​អង្គរវត្ត​នៅ​លើ​បាវ​អង្ករ ប៉ុន្តែ​សរសេរថា​ជា​ «​ផលិតផល​របស់​ថៃ​»​។

រដ្ឋមន្ដ្រី​ក្រសួង​ព័ត៌មាន​ក៏​បាន​អំពាវនាវ​ដល់​ស្ថានទូត​កម្ពុជា​ប្រចាំ​នៅ​អាមេរិក​ត្រូវ​ស៊ើបអង្កេត​ករណី​នេះ​ដើម្បី​ឲ្យ​ក្រសួង​ពាណិជ្ជកម្ម​ចាត់​វិធានការ​លើ​ករណី​នេះ​។​

តាម​ទិន្នន័យ​រដ្ឋាភិបាល​ការនាំ​ចេញ​អង្ករ​របស់​កម្ពុជា​រយៈពេល​ ៤ ​ខែ​ដំបូង​ឆ្នាំ​នេះ​មាន​ចំនួន​សរុបជាង ២០ម៉ឺនតោន ធ្លាក់ចុះជាឆ្នាំមុនដែលមាន​ប្រមាណ ២១ម៉ឺនតោន បើធៀបនឹង​រយៈពេល​ដូច​គ្នា​៕​

បញ្ចេញមតិ

avatar

ព័ត៌មានទាក់ទង

អ្នកវិភាគថាតម្លៃការទូតកម្ពុជាធ្លាក់ចុះហើយចាញ់ប្រៀបCNRPតែមន្ត្រីរដ្ឋាភិបាលថាការវាយតម្លៃគ្មានមូលដ្ឋាន

ភ្នំពេញ៖ មេដឹកនាំកម្ពុជាមកពីគណបក្សប្រជាជនកម្ព[...]

ព្រឹត្តិការណ៍រត់ដើម្បីបរិស្ថាននឹងរៀបចំឡើងជាលើកទី៣នៅរាជធានីភ្នំពេញ

ភ្នំពេញ៖ ព្រឹត្តិការណ៍រត់ដើម្បីបរិស្ថាននឹងរៀប[...]

កាណាដាលើកទឹកចិត្តឱ្យវិនិយោគិនរបស់ខ្លួនបណ្ដាក់ទុននៅកម្ពុជា

ភ្នំពេញ៖ ឯកអគ្គរដ្ឋទូតកាណាដាប្រចាំកម្ពុជា ថា [...]

ព័ត៏មានថ្មី

វីដេអូថ្មីបំផុត