loader

ក្រសួងការងារ៖ កម្ពុជាបន្ថែមការគាំពារដល់ពលករនៅម៉ាឡេស៊ី

ភ្នំពេញ៖ ប្រទេសកម្ពុជាបានចុះអនុស្សរណៈយោគយល់គ្នា (MOU) ជាមួយប្រទេសម៉ាឡេស៊ី ដើម្បីលើកកម្ពស់ សិទ្ធិ សុខុមាលភាព និងកិច្ចគាំពារដល់ពលករកម្ពុជាទៅធ្វើការនៅប្រទេសម៉ាឡេស៊ី។ នេះបើតាមការចុះផ្សាយលើទំព័រហ្វេសបុករបស់ក្រសួងការងារ និងបណ្ដុះបណ្ដាលវិជ្ជាជីវៈ នៅថ្ងៃទី ៥ ខែ ធ្នូ ឆ្នាំ ២០១៨។

តាមការចុះផ្សាយនេះបញ្ជាក់ថា ការចុះអនុស្សរណៈនៃការយោគយល់គ្នានេះ ធ្វើឡើងតាមរយៈសមាគមទីភ្នាក់ងារហត្ថពលកម្មកម្ពុជា(MAC) សមា គមទីភ្នាក់ងារជ្រើសរើសពលករកម្ពុជា(ACRA) ជាមួយនឹងសមាគមម៉ាឡេស៊ីនៃទីភ្នាក់ងារស្រ្តីជំនួយការមេផ្ទះ(PAPA) សមាគមជាតិធនធានមនុស្សម៉ាឡេស៊ី (PUSMA) និង សមាគមជាតិម៉ាឡេស៊ីទីភ្នាក់ងារការងារ (PIKAP) នៅទីស្ដីការក្រសួងការងារ។

អនុស្សរណៈយោគយល់គ្នានេះ គឺនឹងចូលរួមចំណែកក្នុងការលើកកម្ពស់សិទ្ធិ សុខុមាលភាព និងការការពារពលករកម្ពុជាដែលធ្វើការនៅប្រទេស ម៉ាឡេស៊ី។

ក្រសួងការងារកម្ពុជា ចុះផ្សាយទៀតថា រាជរដ្ឋាភិបាលកម្ពុជាបានរៀបចំយន្តការ និងបទដ្ឋានគតិយុត្តជាច្រើនសម្រាប់ការពារ គ្រប់គ្រង និងលើកកម្ពស់សិទ្ធិដល់ពលករខ្មែរទាំងអស់ដែលធ្វើការ និងស្នាក់នៅប្រទេសម៉ាឡេស៊ី។

ទីភ្នាក់ងារជ្រើសរើសឯកជនកម្ពុជា ដែលទទួលបានកាអនុញ្ញាតពីក្រសួងមានចំនួន ១០៣ ឱ្យធ្វើការជ្រើសរើស បណ្តុះបណ្តាល បញ្ជូន និងគ្រប់គ្រងពលករខ្មែរទៅធ្វើការនៅបរទេស ក្នុងនោះប្រទេសម៉ាឡេស៊ី មានចំនួន ៦៩ក្រុមហ៊ុន គិតត្រឹម ខែតុលា ឆ្នាំ២០១៨៕

បញ្ចេញមតិ

avatar

ព័ត៌មានទាក់ទង

សម្ដេច ហ៊ុន សែនថា មិនចង់បាត់បង់EBAទេ

សម្ដេច ហ៊ុន សែនថា មិនចង់បាត់បង់EBAទេ

ថ្ងៃព្រហស្បតិ៍ ទី២១ ខែកញ្ញា ឆ្នាំ២០១៩

ភ្នំពេញ៖ សម្ដេច ហ៊ុន សែន ថ្លែងថា កម្ពុជាមិនចង[...]

លោក សម រង្ស៊ីថា ប្រជាធិបតេយ្យអាណត្តិនេះស្ទើដល់កម្រិតសូន្យ តែសម្ដេច ហ៊ុន សែនថាអនុវត្តន៍យ៉ាងល្អ

ភ្នំពេញ៖ លោក សម រង្ស៊ី អះអាងថា ប្រជាធិបតេយ្យន[...]

គ.ជ.អ.ប បើកកិច្ចប្រជុំពិនិត្យស្ថានភាពកម្មវិធីកំណែទម្រង់វិមជ្ឈការនិងវិសហមជ្ឈការ

ភ្នំពេញ៖ គណៈកម្មាធិការជាតិសម្រាប់ការអភិវឌ្ឍតា[...]

ព័ត៏មានថ្មី

វីដេអូថ្មីបំផុត