loader

ក្រសួងកសិកម្មបង្កើតគណៈកម្មាធិការទប់ស្កាត់ និងបង្ក្រាបអ្នកកាន់កាប់ដីព្រៃជាកម្មសិទ្ធិផ្ទាល់ខ្លួន

ភ្នំពេញ៖ នៅទីបំផុតក្រសួងកសិកម្ម រុក្ខាប្រមាញ់ និងនេសាទ បានសម្រេចបង្កើតគណៈកម្មាធិការជាតិមួយ ដើម្បីទប់ស្កាត់ លុបបំបាត់ និងបង្ក្រាបការកាប់រាន ដុត ឈូសឆាយ និងហ៊ុមព័ន្ធដីព្រៃឈើ ធ្វើជាកម្មសិទ្ធិផ្ទាល់ខ្លួន។នេះបើយោងតាមសេចក្តីសម្រេចរបស់ក្រសួងកសិកម្មចេញផ្សាយលើទំព័រហ្វេសប៊ុកនៅថ្ងៃនេះ។

សេចក្តីសម្រេចកម្រាស់ ៣ ទំព័របានកំណត់តួនាទីគណៈកម្មាធិការនេះ ឱ្យទទួលខុសត្រូវលើការរៀបចំ​និងការអនុវត្តផែនការសកម្មភាពផ្សព្វផ្សាយច្បាប់ លិខិតបទដ្ឋានពាក់ព័ន្ធទៅនឹងដីព្រៃឈើគ្រប់ប្រភេទ។

សមាជិកគណៈកម្មាធិការ តួនាទីត្រួតពិនិត្យ និងស្រាវជ្រាវដល់មូលដ្ឋានដែលមានការកាប់រានដីព្រៃខុសច្បាប់ក្នុងគោលបំណងធ្វើជាកម្មសិទ្ធិផ្ទាល់ខ្លួន ឬទុកធ្វើអាជីវកម្មបន្ត។ ក្នុងនោះសមាជិកត្រូវចាត់វិធានការទប់ស្កាត់ លុបបំបាត់ និងបង្រ្កាបឱ្យទាន់ពេលវេលានូវរាល់ការកាប់រាន ដុត​ ឈូសឆាយ និងហ៊ុមព័ន្ធកាន់កាប់ដីព្រៃឈើគ្រប់ប្រភេទផងដែរ។ក្នុងសកម្មភាពទប់ស្កាត់ និងបង្រ្កាបការកាន់កាប់ដីព្រៃជាកម្មសិទ្ធិឯកជននេះ គណៈ កម្មាធិការត្រូវសហការជាអង្គការអន្តរជាតិ សហគមន៍អ្នកផ្តល់ជំនួយដើម្បីជំរុញ​និងគាំទ្រការងារនេះ។ត្រូវសហការជាមួយអភិបាលខេត្តនីមួយៗ ហើយត្រូវធ្វើរបាយការណ៍ និងលើកអនុសាសន៍ជូនរាជរដ្ឋាភិបាលលើកការអនុវត្តផែនការនេះ។

សេចក្តីសម្រេចរបស់របស់ក្រសួងកសិកម្ម។

សេចក្តីសម្រេចដែលបានធ្វើឡើងកាលពីខែមិថុនាឆ្នាំ ២០១៩ នេះត្រូវបានចេញផ្សាយតាមទំព័រហ្វេសប៊ុករបស់ក្រសួងនៅថ្ងៃនេះ ដែលសមាសភាពក្នុងគណៈកម្មាធិការនេះ រួមមានរដ្ឋមន្រ្តីក្រសួងកសិកម្មជាប្រធាន និងមន្រ្តីក្រោមឱវាទមួយចំនួនទៀតជាសមាជិក។ការបង្ហាញសេចក្តីសម្រេចជាផ្លូវការនេះ ស្របពេលអង្គព្រះមហាក្សត្រកាលពីថ្ងៃទី០៩ កក្ដដាថ្មីៗនេះ ទ្រង់បានមានព្រះរាជឱង្ការក្នុងព្រះរាជពិធី «រុក្ខទិវា» ដោយអំពាវនាវដល់ជនរួមជាតិទាំងអស់ ជួយទប់ស្កាត់ និងបញ្ឈប់ការកាប់ឈើ ការកាប់រាន ដុត ឈូសឆាយដីព្រៃ ការបរបាញ់ ការដាក់អន្ទាក់ចាប់សត្វព្រៃដោយខុសច្បាប់។

ជាការកត់សម្គាល់ កាលពីពេលថ្មីៗនេះមានការផ្ទុះឡើងនៃចលនាការទន្ទ្រានយកដីរដ្ឋធ្វើជាកម្មសិទ្ធិឯកជន។ ក្រសួងបរិស្ថានតាមរយៈអ្នកនាំពាក្យ បានប្រកាសអំពាវនាវដល់ប្រជាពលរដ្ឋស្លូត​ត្រង់កុំ​​ចាញ់​បោក​មេខ្យល់​ខិល​ខូច​ និង​បញ្ឈប់​ជា​បន្ទាន់​រាល់​សកម្ម​ភាព​ខុស​ច្បាប់ លើ​​ករណី​ ឈូស​ឆាយ​ កាប់​ឆ្ការ រុករាន​ទន្រ្ទាន​ដីព្រៃ​​រដ្ឋ​ ជៀសវាងប្រឈម​មុខនឹងផ្លូវ​ច្បាប់។អ្នកនាំពាក្យក្រសួងបរិស្ថាននៅគ្រានោះ បានលើកឡើងថា កន្លងទៅនេះមានក្រុម​ជន​ខិល​ខូច​បាន​និង​កំពុង​អនុវត្ត​ទ្រឹស្តី «ឈ្នះ​បាន​ដី ចាញ់​បាន​លុយ»។ ពួកគេ​បាន​ភូត​កុ​ហក​បោក​ប្រាស់​ពល​រដ្ឋ​ស្លូត​ត្រង់​ដោយ​យក​ដី​រដ្ឋ ឬ​ដី​ដែល​មាន​កម្ម​សិទ្ធិមក​ធ្វើជា​របស់ខ្លួន​និង​លក់​ក្នុង​តម្លៃ​ថោកៗ​ឱ្យ​ពលរដ្ឋ។យ៉ាងណាសមត្ថកិច្ចពាក់ព័ន្ថកំពុងស្រាវជ្រាវរកមុខជនខិលខូត ដើម្បីផ្តន្ទាទោសតាមផ្លូវច្បាប់ផងដែរ៕

បញ្ចេញមតិ

avatar

ព័ត៌មានទាក់ទង

លោក សម រង្ស៊ី​រៀបរាប់ពីការរារាំង និងជោគជ័យលើដំណើរមាតុភូមិនិវត្តន៍

ភ្នំពេញ៖ លោក សម រង្ស៊ី ថ្លែងអំពីដំណើរមាតុភូមិ[...]

ទូតកម្ពុជាប្រចាំអឺរ៉ុប ថាកម្ពុជាធ្វើឱ្យស្ថានភាពនយោបាយប្រសើរឡើងជាជំហានៗ

ភ្នំពេញ៖ ឯកអគ្គរាជទូតកម្ពុជាប្រចាំនៅសហភាពអឺរ៉[...]

កូនលោក កឹម សុខាថា ឆ្នាំ ២០២០ លោក កឹម សុខានឹងជម្រុញឱ្យមានការផ្សះផ្សារជាតិទ្រង់ទ្រាយធំ

ភ្នំពេញ៖ កញ្ញាកឹម មនោវិទ្យា កូនស្រីរបស់លោក កឹ[...]

ព័ត៏មានថ្មី

វីដេអូថ្មីបំផុត