loader

កូរ៉េខាងជើងព្រមានអាមេរិកឱ្យបញ្ឈប់ការដាក់ទណ្ឌកម្មបើចង់លុបចោលលុយក្លេអ៊ែរ

ក្រសួងការបរទេសកូរ៉េខាងជើងបានប្រកាសព័ត៌មានថា ខ្លួននឹងមិនអនុវត្តដាច់ខាតចំពោះការបំផ្លាញកម្មវិធីអាវុធនុយក្លេអ៊ែរ បើអាមេរិកនៅបន្តដាក់ទណ្ឌកម្មសេដ្ឋកិច្ចមកលើខ្លួនទៀតនោះ។

សេចក្ដីប្រកាសព័ត៌មានរបស់ក្រុងព្យុងយ៉ាងធ្វើឡើងនៅថ្ងៃសុក្រ ទី ១០​ សីហានេះ បន្ទាប់ពីរបបកុំម្មុយនិស្តនេះ បានសុំអង្វរអាមេរិកអោយដក ចោលការដាក់ទណ្ឌកម្មសេដ្ឋកិច្ចមកលើខ្លួន ហើយអាមេរិកមិនយល់ស្របតាម។

តាមសេចក្ដីប្រកាសនេះ ទីក្រុងព្យុងយ៉ាងនិយាយថា ខ្លួនមិនអាចធ្វើសកម្មភាពដោយឯកតោភាគីបានទេ បើភាគីមួយទៀត មិនព្រមអនុវត្តនោះ។

តាមបណ្ដាញផ្សាយព័ត៌មានBBC ក្រសួងការបរទេសកូរ៉េខាងជើងបានចោទក្រុមចរចាអាមេរិកថា កំពុងរំលោភលើកិច្ចព្រមព្រៀង គីមជុងអ៊ុន -ដូណាល់ត្រាំ កាលពីថ្ងៃទី ១២ មិថុនា នៅប្រទេសសិង្ហបុរី។

ស្មារតីនៃកិច្ចព្រមព្រៀងនោះ បានចែងថា ក្រុងព្យុងយ៉ាងបានយល់ព្រមរំលាយអាវុធនុយក្លេអ៊ែរជាថ្នូរនឹងការផ្ដល់សន្តិសុខពេញសម្រាប់ឧបទ្វីបកូរ៉េ។

កាលពីសប្ដាហ៍មុន រដ្ឋមន្ត្រីការបរទេសអាមេរិក Mike  Pompea និងលោកស្រី Niki Haley ឯកអគ្គរដ្ឋទូតអាមេរិកប្រចាំអង្គការសហប្រជាជាតិ បានទទូចឱ្យមានការរឹតបន្តឹងបន្តទៀតការដាក់ទណ្ឌកម្មលើរបបក្រុងព្យុងយ៉ាង ព្រោះតែប្រទេសនេះ មិនទាន់អនុវត្តជាក់ស្ដែងការរំលាយរោងចក្រនុយក្លេអ៊ែរ។

អ្នកសង្កេតការណ៍ព្រមានថា បើមិនមានការចរចាម្ដងទៀតរវាងលោកត្រាំ និងលោក គីម ជុងអ៊ុន ក៏មិនអាចមានកិច្ចព្រមព្រៀងអ្វីទៀតទេ៕

បញ្ចេញមតិ

avatar

ព័ត៌មានទាក់ទង

ចិនប្រាប់ភូមាថាត្រូវខិតខំរក្សាស្ថិរភាពខណៈអាមេរិកថ្កោលទោសករណីសហគមន៍រ៉ូហ៊ីងយ៉ា

នៅក្នុងជំនួបដាច់ដោយឡែកពីគ្នា​គឺនៅខាងក្រៅនៃកិច[...]

តុលាការកំពូលស្រីលង្កាទាត់ចោលសេចក្ដីសម្រេចរបស់ប្រធានាធិបតីរំលាយសភា

ទីបំផុតតុលាការឯករាជ្យនៃប្រទេសស្រីលង្កាទាត់សេច[...]

មេបក្សប្រឆាំងនៅរុស្ស៊ីត្រូវបានហាមចាកចេញពីប្រទេស

មេបក្សប្រឆាំងនៅរុស្ស៊ីត្រូវបានហាមចាកចេញពីប្រទេស

ថ្ងៃអង្គារ ទី១៣ ខែកញ្ញា ឆ្នាំ២០១៨

មេដឹកនាំបក្សប្រឆាំងនៃប្រទេសរុស្ស៊ី លោក Alexei[...]

ព័ត៏មានថ្មី

វីដេអូថ្មីបំផុត