loader

កម្ពុជានាំចេញចេកអំបូងលឿង​ក្រោយបោះទុនវិនិយោគជាង ៨ លានដុល្លារ

ភ្នំពេញ៖ ក្រុមហ៊ុនកៅស៊ូបឹងកេតបានវេចខ្ចប់ចេកអំបូងលឿងរបស់ខ្លួនជាលើកដំបូង ដើម្បីនាំចេញទៅកាន់ទីផ្យារអន្តរជាតិ ហើយទីផ្សារដំបូងគឺប្រទេសចិន។ នេះបើយោងតាមទំព័រហ្វេសប៊ុករបស់ក្រសួងកសិកម្មចុះផ្សារកាលពីថ្ងៃទី២០ មករា ម្សិលមិញ។

បើតាមក្រសួងកសិកម្មក្រុមហ៊ុននេះមានទីតាំងនៅភូមិ បឹងកេត ឃុំព្រែកកក់ ស្រុកស្ទឹងត្រង់ ខេត្តកំពង់ចាម។

តាមរបាយការណ៍របស់នាយកក្រុមហ៊ុនកៅស៊ូបឹងកេតបានឲ្យដឹងថា  ក្រុមហ៊ុនបានចុះទុនវិនិយោគលើទឹកប្រាក់ប្រមាណជាង ៨លានដុល្លារ លើការដាំដុះចេកអំបូងលឿងលើផ្ទៃដីសាកល្បង ៥០០ហត។ លោកបន្តថា ក្នុងចំណោមផ្ទៃដីសរុបទាំងអស់ ក្រុមហ៊ុនកំពុងប្រមូលផលចេះលើផ្ទៃដី១០០ហត ហើយវេចខ្ចប់នាំចេញទៅកាន់ទីផ្សារចិន។ លោកឱ្យដឹងទៀតថា ក្រុមហ៊ុននឹងគ្រោងពង្រីកផ្ទៃដីដាំដុះឲ្យដល់ ១,៥០០ហត ដើម្បីឆ្លើយតបតាមតម្រូវការទីផ្សារប្រទេសចិន។​

                                                     រោងចក្រវេចខ្ចប់ចេករបស់ក្រុមហ៊ុន បឹងកេត។រូបភាពក្រសួងកសិកម្ម

 

ជុំវិញរឿងនេះលោក វេង សាខុន រដ្ឋមន្ត្រីក្រសួងកសិកម្ម បានណែនាំឲ្យក្រុមហ៊ុន ត្រូវសហការជាមួយអគ្គនាយកដ្ឋានកសិកម្មលើការងារទិដ្ឋភាពច្បាប់ និងបទដ្ឋានបច្ចេកទេស ជាពិសេស ការងារភូតគាមអនាម័យ ធ្វើយ៉ាងណាឲ្យការនាំចេញផលិតផលចេកឆ្លើយតបតាមស្តង់ដារទីផ្សារ។

លោកបន្តថា លទ្ធផលនេះគឺបានឆ្លើយតបទៅនឹងគោលនយោបាយរបស់ក្រសួងស្តីពីការជំរុញផលិតកម្មក្នុងស្រុក បង្កើនតម្លៃបន្ថែម បង្កើតការងារ បង្កើនប្រាក់ចំណូល កាត់បន្ថយភាពក្រីក្រ និងចំណាកស្រុក តាមរយ:ការអភិវឌ្ឍខ្សែច្រវាក់ផលិតកម្មកសិកម្មពី A ដល់ Z ៕

 

 

 

 

 

បញ្ចេញមតិ

avatar

ព័ត៌មានទាក់ទង

សហជីពមួយអំពាវនាវកុំឱ្យមានការព្រួយបារម្ភអំពីEBA

សហជីពមួយអំពាវនាវកុំឱ្យមានការព្រួយបារម្ភអំពីEBA

ថ្ងៃព្រហស្បតិ៍ ទី២១ ខែកុម្ភៈ ឆ្នាំ២០១៩

ភ្នំពេញ៖ មេសហជីពធំមួយនៅកម្ពុជាបានថ្លែងដោយអំពា[...]

នាយករដ្ឋមន្រ្តី៖ ទីផ្សារចិន-វៀតណាមអាចធ្វើឱ្យវិស័យស្រូវអង្ករកម្ពុជាប្រសើរឡើងទោះបីអឺរ៉ុបយកពន្ធ

កណ្តាល៖ ថ្លែងចំពោះមុខកម្មករកាត់ដេរជាងមួយម៉ឺនន[...]

តើសេដ្ឋកិច្ចប្រឹងរៀងខ្លួនរបស់សមាជិកអាស៊ាន នាំសមាគមនេះឈានទៅ​​រកភាពរីកចម្រើនបានដល់កម្រិតណា?

សមាគមអាស៊ានឬសមាគមប្រជាជាតិអាស៊ីគ្នេយ៍បានបង្កើ[...]

ព័ត៏មានថ្មី

វីដេអូថ្មីបំផុត